VOV4.Sêdang - Dế nôkố, hên mâu ngế ki pêi kơdrum a tơring Lạc Dương, kong pơlê Lâm Đồng dế trâm pá puât xua túa ki pêt hdrê loăng Atiso ôh tá ai pơxúa tơ-[rê pro hên ngế ki pêt hdrê loăng kố trâm pá.

Rơnó pêt Atiso hơnăm kố, rơpo\ng nâ Nguyễn Thị Phương, ối a cheăm Lát, tơring Lạc Dương hiăng thế pui hvât lôi dêi lối 3 sao vâ hơ’leh pêt mâu hdrê loăng ki ê. Nâ Phương ăm ‘nâi, hơnăm 2018 rơpo\ng nâ veăng mot tung khu pêi cheăng tơru\m pêt Atiso [ă ko\ng ti Ladopha. Rôh apoăng tơru\m pêt hlo pơxúa tơ-[rê, kum mâu ngế ki pêt châ xo tơ’mot liăn tơniăn. La sap hơnăm 2020 troh nôkố, loăng Atiso đi đo tro ôa hdrong kâ ‘nhiê, reăng gá châ xo iâ, tơmeăm pêi lo khu mơdró ôh tá rôe pro rơpo\ng hngêi trâm ôh tá châ liăn xua ôh tá châ tê.

‘’Mơ’ni rơnó kơ’nâi kố ôh tá xê to a, mâu rơpo\ng ki ê ôh tá khên pêt xua ôh tá châ pơxúa klâi. Mơhrê liăn ‘no hnoăng pêi pêt rak ngăn hên la ôh tê ôh tá xo hên to lâi’’.

Môi tiah ngoh K’Rang, ối a cheăm Dà Sar, tơring Lạc Dương ăm ‘nâi, pơla rôh apoăng, tâng riân ngăn, môi sao pêt Atiso ki pơxúa ăm mơngế ki pêt bú péa pái chât rơtuh liăn tê tung môi hơnăm. La ing hơnăm kơ’nâi mê peăng Ko\ng ti Ladopha tơbleăng hên tơdroăng mơne#n tối môi tiah: pơtê uâ pơliê pro vâ ‘mâi rơnêu hngêi kơmăi ‘nâ hía tối tơmeăm ki pêi lo mê ai xôh hên pơkeăng kơdê ôa hdrong... mê mơngế ki pêt ôh tá khên pêt ôh tá châ tê dêi Atiso:

‘’Hơnăm hdrối nah tê reăng Atiso ối châ 250 rơpâu liăn 1 kg, hơnăm kố a têng xăm hmăn dêi a hngêi ôh tá ai ngế vâ rôe. ‘Na hlá gá hên kuăn pơlê hiăng lôi ôh tá xo sa ing apoăng hơnăm troh nôkố ôh tá tá hlo ngế ki lâi xo. Ko\ng ti tơhrâ ‘nâ hía tối măng t^ng kố lăm xo, ‘nâ hía tối măng t^ng kơ’nâi ah la xuân ôh tá kâi hlo vâi xo. Kố nah á tê ăm pá kong rôe bu 15 rơpâu liăn 1 kg reăng, mâu kông ku ku\n hlá gá hvât lôi’’.

Kơdrum Atiso dêi rơpo\ng hngêi nâ Phương tro ôa hdrong kâ ‘nhiê thế pui tah lôi

Tiô kơvâ ngăn ‘na chiâk deăng Lạc Dương tối, sap hơnăm 2018 troh nôkố, lâp tung tơring ai vâ chê 100 kuăn pơlê pêi chiâk veăng pêt Atiso tiô túa pêi cheăng tơru\m [ă Ko\ng ti Ladopha. Laga troh nôkố, tâi tâng Atiso ki kuăn pơlê pêi lo ôh tá châ tê, hên rơpo\ng hngêi hiăng ko tah hơ’leh pêt hdrê loăng ki ê nếo.

Pôa Hoàng Xuân Hải, Ngế pơkuâ [ơrô ngăn ‘na chiâk [ă mơnhông mơdêk thôn pơlê tơring Lạc Dương tối cho khât tơdroăng tơru\m cheăng pêt Atiso pơla kuăn pơlê [ă Ko\ng ti Ladopha ôh tá pro pơxúa môi tiah tơdroăng púi vâ. Tung la ngiâ, pak^ng kơjo kum hnê kih thuât, tơring kô krếo thế mâu ko\ng ti, khu mơdró kâ ki pêi cheăng rơkê [ă ki hên vâi nhoăm lăm troh a tơring veăng tơru\m pêt Atiso:

‘’Ngin hiăng pêi cheăng tơdrêng [ă mâu rơpo\ng hngêi [ă ko\ng ti Laphado vâ môi tuăn [ă tơdroăng pêi pro xuân môi tiah pơkâ tung pơla pêi pêt tơchoâm [ă mâu túa pơkeăng xôh kơdê ôa hdrong ki châ ăm phep xúa. Laga vâ ví tơdroăng ki kuăn pơlê kho\m thế pêi pro tung tơru\m cheăng pêi lo tơmeăm lơ tro tơjâk tơdrêng ing mâu tơdroăng tơdjâk pá gong. Tơring hiăng pơtối tơ’mot tơ’nôm mâu khu mơdró ki hmâ pêi pêt, têng, uâ pơliê pro Atiso môi tiah Ko\ng ti Ngọc Duy vâ ai hên ngế, hên khu mơdró rôe tung tơring ví tơdroăng ki ối ‘măn lối, ví tơdroăng ki kuăn pơlê ôh tá ‘nâi hdrối tung tơdroăng tê tơmeăm pê lo ing chiâk deăng’’.

Tuấn Anh chêh

Gương tơplôu [ă tơbleăng