VOV4.Sêdang - Lâm Đồng nôkố ai 5 tơmeăm ki păn mơnăn ai tơrŭm cheăng ki pơxúa mê cho: tơrŭm tê têa tôu ro ki nếo klêi xo, tơrŭm păn chu, tơrŭm păn í, tơrŭm păn ro xo hơ’nêh ƀă tơrŭm tê prế hdrong. Vâ mơnhông mơdêk túa pêi cheăng tơrŭm tung păn mơnăn, uâ mơdiê pro tơmeăm kế kâ ƀă hlối tơrŭm tăng tíu tê, kong pơlê Lâm Đồng hiăng pro tơ’lêi hlâu mâu mâu khu tơrŭm cheăng, mâu ngế, mâu khu mơdró pê lo uâ pơliê pro tơmeăm, tê tơmeăm pêi lo ki pro ing mơnăn, í pêap kĭ tơdrâng pro tơniăn tơmeăm pêi lo ƀă mâu kơdrum deăng păn mơnăn, mâu rơpŏng păn mơnăn.

Mê cho túa tơrŭm păn ro xo hơ’nêh hdrê ro kŭn, rơtế ƀă tê hơ’nêh ro dêi khu pêi cheăng tơrŭm Võ Thị Xoan tơrŭm ƀă 60 rơpŏng păn, ki păn 600 to, châ xo 200 tâ̆n hơ’nêh tung 1 hơnăm. Kŏng ti pêi cheăng tiô rơnó Ba Minh tơrŭm ƀă pêt loăng păn yâu xo prế ƀă tê prế hdrong rơtế ƀă 50 rơpŏng kuăn pơlê (a Lâm Hà, Đức Trọng, Dam Rông), tơnêi pêt loăng yâu păn hdrong 1 rơpâu kơhôp kơtâ hdrong pro hdrê, châ xo 40 tâ̆n prế hdrong tung môi hơnăm, 100 prế hdrong dêi mâu rơpŏng păn tơrŭm châ tê tơniăn, ing tơdroăng kĭ tơhrâ.

Gương tơplôu ƀă tơbleăng