VOV4.Xơ Đăng - Kong pơlê Lâm Đồng pơtối ‘nâi tơ’nôm 2 ngế cheang ‘na khăm pơlât tâ COVID-19. Péa ngế ki cheăng ‘na khăm pơlât kố châ mơnhên tâ COVID-19, môi ngế pêi cheăng a khoa Nội A, Hngêi pơkeăng kân kong pơlê Lâm Đồng ƀă ngế ki u ối xuân cheăng ‘na khăm pơlât dêi tơring Di Linh. Mơdêk kơxô̆ mâu ngế cheăng ‘na khăm pơlât pêi cheăng a kong pơlê Lâm Đồng tâ COVID-19 tâk troh 5 ngế, tung mê, ki hên châ ‘nâi cho a pơlê kong kơdrâm Đà Lạt.

Pakĭng mê, môi ngế kăn ƀô̆ ki ê xuân tâ COVID-19 drêng dế veăng tung hnoăng cheăng hbrâ mơdât pơreăng. Riân troh nôkố, Lâm Đồng ai 2.556 ngế tâ COVID-19, tung mê ai 8 ngế hlâ ƀă 676 ngế châ pơlât prêi ƀă hiăng lo ing hngêi pơkeăng. Kơxô̆ ngế tâ hên cho a pơlê kong kơdrâm Đà Lạt ai 606 ngế, pơtối mê cho tơring Đức Trọng 590 ngế. 2 tơring ki ai kơxô̆ ngế tâ COVID-19 iâ má môi dêi kong pơlê Lâm Đồng cho Cát Tiên ƀă Lạc Dương ai 16 ngế.

Katarina Nga tơplôu ƀă tơbleăng