VOV4.Sêdang – Kơnôm thăm mơdêk mơjiâng mâu túa pêi chiâk deăng tơru\m [ă châ tê mơ’no dêi kế tơmeăm pêi lo, xúa tung pêi chiâk pêi deăng túa kơmăi kơmok ki hloh hlê rơkê ple\ng [ă hưu cơ tung pêi chiâk pêi deăng. Lâm Đồng hiăng chôa ‘lâng châ ‘mâi mơnhông tơdroăng ‘’rơnó ki pêi châ hên tơmeăm la ôh tá mơhúa ‘na yă tê’’ mê nôkố, hiăng ai troăng hơlâ prôk ki tơniăn ăm kuăn pơlê.

Pơla hdrối kố nah, tơdroăng pêi chiâk dêi Lê Quang Lượng, kuăn pơlê ki pêi chiâk ối a cheăm Tân Hội, tơring Đức Trọng (Lâm Đồng) đi đo trâm pá xua kơdrum pêt kơchâi túm túa dêi rơpo\ng hngêi đi đo tê [ă yă rơpâ, thăm nếo ai drêng ‘nâ khéa kho ó khât, thế piu lôi xua gá u\m a kơdrum xua ôh tá ai ngế vâ rôe. Môi hơnăm achê kố, kơnôm ing veăng pêi cheăng tơru\m [ă môi tíu pêi pêt kơchâi krúa tung kong pơlê, tâi tâng mâu kơchâi dêi pôa Lượng pêt xuân châ tê hên ngế vâ rôe yă tơniăn [ă kơxo# pêi lo châ xo dêi tơkâ hên tâ tâng vâ pơchông [ă hdrối nah.

Pôa Lượng ăm ‘nâi, drêng tơru\m cheăng châ pêt kơchâi tơ’lêi hlâu tâ, ôh tá tô tuăn ‘na tíu tê.

‘’Drêng á tơru\m pêt tăng tíu vâ tê tơmeăm pêi lo tơniăn [ă tơdroăng cheăng kâ châ tơ-[rê. Nôkố pin ôh tá tơru\m, pin pêi lo [ă tê mâu tơmeăm pêi lo vâi ôh ti vâ rôe ki pin. A kơxo mê kơchâi, la kong xêi hiăng chiâng xok, xua mê, a thế pro ti lâi vâ kơxo tê kơchâi [ă kơxê xuân cho kơchâi. Vâ ai tiah mê kho\m thế tơru\m pêi pêt vâ chiâng pêi cheăng kâ, vâ ai tíu ki rôe tơmeăm pêi lo châ tê tơniăn’’.

Mâu tíu tơru\m pêi cheăng tiô khu kum kuăn pơlê châ xo hên kơxo# liăn ing tê tơmeăm dêi kong pơlê Lâm Đồng

Hlo châ tơ-[rê ing mâu túa pêi cheăng tơru\m tung pêi pêt, Lâm Đồng hiăng mơhnhôk kuăn pơlê [ă mâu Khu pêi cheăng tơru\m, khu mơdró tung kong pơlê mơjiâng tơdroăng pêi cheăng tơru\m tung pêi pêt tơmeăm vâ châ tê tơmeăm ki pê lo. Nôkố lâp tung kong pơlê hiăng ai 165 khu pêi cheăng tơru\m pêi pêt, tâk 45 khu pêi cheăng tâng vâ pơchông [ă 2 hơnăm hdrối, tung mê ai vâ châ tơdế kơxo# khu pêi cheăng châ mâu khu tung tơnêi têa [ă lâp plâi tơnêi mơnhên tối pêi lo tơmeăm krúa.

Tiô pôa Phạm S, Kăn pho\ hnê ngăn Vi [an kong pơlê Lâm Đồng, tơdroăng mơjiâng hên khu pêi cheăng tơru\m pêi lo mâu tơmeăm ing chiâk deăng hiăng kum mơdêk tơ’nôm ki pơxúa  tung pêi chiâk deăng dêi kong pơlê tâk 1,3 hdrôh tâng vâ pơchông [ă hdrối nah, [ă ki pơxúa ing tơmeăm pêi lo tung môi [ăng tơnêi pêt tơmeăm châ 180 rơtuh liăn/ha/hơnăm. Kố cho troăng hơlâ pêi pro kơhnâ khât ki kong pơlê kal malối tơmâng khât tơdroăng mơjiâng tơmeăm khoăng [ă mơnhông pêi chiâk deăng tung tu\m tơdroăng, krá tơniăn [ă tiô túa nếo, pôa Phạm S tối:

‘’Lâm Đồng hiăng ai 165 khu pêi cheăng tơru\m pêi chiâk châ mơjiâng, ing tơdroăng pêi cheăng tơru\m mê hiăng kum mơdêk ki pơxúa tơmeăm pê lo ing chiâk deăng tiô troăng hơlâ tơniăn [ă pêi pêt tơmeăm châ pêi tiô troăng hơlâ ki nêo mơnhông tơ-[rê. Ôh tá xê to mơnhông mơdêk pêi chiâk deăng xúa kơmăi ki dâi le\m mê hiăng chôa lâng mơnhông mơdêk pêi chiâk tiô troăng hơlâ rơkê ple\ng [ă xúa hưh cơ. Hên kuăn pơlê ki pêi chiâk hiăng châ  hên ngế vâ rôe tơmeăm pê lo, châ xo hên, veăng mơnhông tơ-[rê ki tê tơmeăm ăm kong têa ê dêi kong pơlê Lâm Đồng hơnăm kơ’nâi hên tâ hơnăm hdrối ai 20%’’.

Quang Sáng chêh

Gương tơplôu [ă tơbleăng