VOV4.Sêdang - Khu pơkuâ ‘na chiâk deăng ƀă mơnhông mơdêk thôn pơlê kong pơlê Lâm Đồng tối ăm ‘nâi dế pêi pro tơdroăng tơkêa bro mơnhông mơdêk pêi chiâk deăng hưh cơ hneăng hơnăm 2020 – 2025 ƀă pơkâ pêi po rơdâ ƀă pêt tơmeăm hưh cơ châ dâng 1.600 ha. Lâm Đồng nôkố cho kong pơlê má môi tung lâp tơnêi têa ‘na pêi chiâk deăng xúa kơmăi kơmok rơxông nếo ƀă mơnhông pêi chiâk deăng rơkê. Tung mê, pêi chiâk deăng xúa kơmăi kơmok rơxông nếo châ vâ chê 62.000 ha.

Pêi chiâk deăng xúa kơmăi kơmok rơkê ai dâng 50 ha kơchâi drêng pêt tung têa ƀă 195 ha pêt loăng plâi xúa kơmăi kơmok rơxông nếo chiâng ‘nâi xêh 'na hyôh tô, hngiâm kơchoh, ‘nâi trếo piê kơhiêm. Pêi chiâk deăng xúa kơmăi kơmok chal nếo tung kong pơlê pêi lo châ 180 rơtuh liăn/ha/hơnăm. Ki rơhêng vâ tối, ƀăng kơchâi drêh xúa kơmăi kơmok châ sap ing 400 – 500 rơtuh liăn/ha/hơnăm, pêt reăng châ sap ing 800 rơtuh – 1,2 rơtal liăn/ha/hơnăm.

A Sa Ly tơplôu ƀă tơbleăng