VOV4.Sêdang - A tơring Lạc Dương, tíu ki ai hên kuăn pơlê cho hdroâng kuăn ngo ki iâ mơngế dêi kong pơlê Lâm Đồng, túa pêi cheăng ki tơru\m tung pêt kơxêt ô vâ mơhno tối tơdroăng ki tơtro, pro pơxúa khât, kum hên rơpo\ng kuăn pơlê châ mơnhông hluăn ing kơtiê, mơdêk tơdroăng rêh kâ ối.

Apoăng hơnăm 2020, ngoh K’Lép, ối a cheăm Dà Sar, tơring Lạc Dương pơkâ mung 50 rơtuh liăn ing hngêi arak liăn kum rêh ối pơlê pơla vâ mơ’no mơjiâng 50 met karê hngêi pêt kơxêt ô. Xiâm kối ngoh khên tơnôu pêt kơxêt kố xua veăng tung khu tơru\m pêt kơxêt [a\ môi ko\ng ti a Đà Lạt. Tu\m tơdroăng pơkâ ‘na kih thuât pêt, rak ngăn, hrê [a\ tíu tê tơmeăm pơrá châ peăng ko\ng ti tơniăn.

Ngoh K’Lép tối ăm ‘nâi, nôkố rêm khế rơpo\ng châ xo 200kilô kơxêt, tê châ tơniăn lối 5 rơtuh liăn.

‘’Á hlo túa pêi kố dế mơnhông mơdêk tơtro, á pêi kơphế pá hên tâ mê pêi lo liăn ôh tá tơ’mô [a\ túa pêi kô. Tâng pêi châ tơ-[rê mê rêm khế châ liăn tơkâ sap ing 5 troh 7 rơtuh liăn ing môi hngêi pêt kơxêt ku\n môi tiah kố. Laga á kô po rơdâ tơ’nôm 2 lơ 3 toăng hngêi pêt kơxêt nếo vâ nôu pâ kơdroh pá puât tâ, [a\ á xuân châ kơxo# liăn hên tâ’’.

Túa pêi tơru\m pêt kơxêt a Lạc Dương ăm pêi lo liăn tơniăn

Môi tiah, ngoh Tạ Đình Dương, ối a pơlê kân Lạc Dương, tơring Lạc Dương xuân mơ-eăm hluăn  ing pá puât kơnôm veăng túa pêi tơru\m pêt kơxêt ô. Nếo achê kố ngoh hiăng po rơdâ pêt kơxêt tâk 800 met karê, rêm khế pêi lo châ sap ing 20 troh 30 rơtuh liăn. Ngoh Tạ Đình Dương tối, tơdroăng pêt kơxêt ô ôh tá pá, mê châ tơ-[rê cheăng kâ kơnôm châ ko\ng ti tơru\m rôe tâi kơxêt.

‘’Pin bu kal tơniăn kơxêt dâi le\m tiô pơkâ ing peăng ko\ng ti k^ tơru\m cho hôm, [a\ vâi kô tơniăn tíu tê ăm pin. Tối tơdjuôm, pin thế tơku\m pêi ăm tơtro má môi, [a\ yă kô chiâng tối mơ’no môi mê châ tơkâ péa’’.

Nâ Cil Pam K’Quyên – Kăn hnê ngăn Khu pơkuâ kuăn pơlê cheăm Dà Nhim, tơring Lạc Dương tối ăm ‘nâi: Tung pơla kố nah, Khu pơkuâ kuăn pơlê pêi chiâk deăng đi đo pơtâng tối, mơhnhôk vâ vâi krâ khu tơru\m cheăng khên tơnôu hơ’leh hdrê pêt, mơnăn păn, hơ’leh rơnó pêt. Ing mê, mơnhông kế tơmeăm ki ai hlâu, ki mơnhông ‘na tơnêi tíu, mơngế pêi cheăng, kơxo# liăn vâ mơ’no mơnhông pêi kâ, mơnhông mơdêk cheăng kâ khu pú hên, ki málối cho mâu túa pêt to môi hdrê, mơjiâng tơmeăm pêi lo ing chiâk deăng ki kơnâ.

Ing mê, hên rơpo\ng kuăn pơlê hiăng khên tơnôu hơ’leh hdrê pêt châ tơ-[rê [a\ mơdêk pêi lo liăn ăm rơpo\ng. Ki má môi tiah rơpo\ng ngế tơru\m pêi kâ Y Sáo Kơsă hiăng châ tơ-[rê [a\ túa pêt kơxêt ô [a\ ing túa pêt kơxêt ô dêi rơpo\ng ngoh Kơsă nôkố hiăng po rơdâ châ 14 rơpo\ng a kong pơlê.

Tiô pôa Nguyễn Hoàng Hải, Kăn pơkuâ {ơrô ‘na pêi chiâk deăng tơring Lạc Dương, túa pêi tơru\m pêt kơxêt ô tung tơring tơtro [a\ tuăn ngôa rơkê dêi kuăn pơlê, po roh tơ’lêi ăm hên rơpo\ng pá puât mơ-eăm hluăn kơtiê. Nôkố lâp tơring hiăng ai lối 30 rơpo\ng veăng tung tơru\m pêt kơxêt kố. Kơvâ pơkuâ ‘na pêi chiâk deăng dế pơtối po hên lâm hnê pơtâp [a\ hnê kih thuât pêt kơxêt, tơdrêng amê ti tăng tơ’nôm khu tơru\m cheăng vâ kum kuăn pơlê po rơdâ túa pêt [a\ kơchơ tê kơxể. Pôa Nguyễn Hoàng Hải tối ăm ‘nâi:

‘’Hlo ki châ tơ-[rê ing túa pêt kơxêt ô xua mê nôkố tơdroăng kal vâ tơru\m pêt kơxêt dêi kuăn pơlê cho hên. Tung la ngiâ, tơring kô pơtối pro tơ’lêi hlâu vâ po rơdâ pêi [a\ xuân tơbleăng tối hdrối troh hơnăm 2025 mơ-eăm pro tiah lâi po rơdâ pêt dâng 200 hngêi pêt kơxêt tung tơring’’.

Mâu tơdroăng châ tơ-[rê ing troăng tơru\m pêt kơxêt a Lạc Dương ôh tá xê to kum tơring pêi pro châ tơ-[rê tơdroăng pơkâ tơnêi têa ‘na kơdroh kơtiê krá tơniăn, mê ối tơmiât pêi troh mơjiâng kơpong pêi kâ [a\ tơru\m kơchơ ki tê tơmeăm khoăng, kơdroh tơdroăng ‘’pêi lo châ hên yă rơpâ’’ mơjiâng troăng tơmiât pêi kâ nếo ăm kuăn pơlê kơpong hơngế hơngo, kơpong hdroâng kuăn ngo.

Quang Sáng rah chêh

A Sa Ly tơplôu [a\ tơbleăng