VOV4.Sêdang - Kơ’nâi mâu khế hơnăm chu yă rơpâ, yă prế hdrong tê tung kong pơlê Lâm Đồng vêh tâk nếo, kuăn pơlê ki pêt loăng yâu păn hdrong hâk phiu, hmiân tuăn ‘no pêi pêt loăng yâu. Mơ’nui hơnăm 2020, yă prế hdrong tung kong pơlê Lâm Đồng tê ƀă yă sap 110 -120 rơpâu liăn/kg, la troh pơla kố, yă prế hdrong hiăng to troh 180 rơpâu liăn/kg. Tơdroăng tối mê ing mâu khu mơdró ki pro ‘măn prế hdrong tê ăm kong têa ê tung kong pơlê kố ăm ‘nâi: Ti lâi yă prế hdrong lơ vêh to kơnâ nếo xua ai kong têa ki vâ rôe hên prế hdrong .

Yă prế hdrong vêh to kơnâ nếo

Ai mâu kong têa ki ‘nâ hiăng chôa ‘lâng lôu peá nếo ‘na rôe tơmeăm kong têa ê, mâu khu mơdró tung kong pơlê xuân dế ai mâu tơmeăm vâ tê hên ăm kong têa ê. Tơdroăng prế hdrong to yă kơnâ, kum kuăn pơlê hmiân tuăn ‘no liăn pêt loăng yâu păn hdrong, mơnhông cheăng kâ ăm rơpŏng hngêi. Tung kong pơlê Lâm Đồng nôkố ai dâng 15 rơpâu rơpŏng kuăn pơlê pêt loăng yâu păn hdrong, po rơdâ châ 8 rơpâu 700 ha loăng yâu, châ 70% tơnêi pêt loăng yâu tung lâp tơnêi têa.

Gương tơplôu ƀă tơbleăng