Khu pơkuâ kơphế Ƀuôn Ma Thuột nếo tơbleăng ăm pêi pro inâi mâu ngế veăng Roh tơ’noăng hơ’lâk kơphế ki xú lĕm má môi Việt Nam 2023 (Vietnam Amazing Brewing Master 2023) a leh tơbleăng kơphế Ƀuôn Ma Thuột roh má 8 hơnăm 2023. Tung 33 ngế tơ’noăng lo ing 9 kong pơlê, pơlê kong kơdrâm tung lâp tơnêi têa kô veăng tơ’noăng, tung mê ai 24 ngế kĭ tơdroăng hơ’lâk kơphế tung phin tiô khôi vâi krâ nah ƀă 27 ngế kĭ tơ’noăng hơ’lâk Pour V60.

Ki nếo dêi roh tơ’noăng kố cho ngế veăng tơ’noăng pêi pro troăng hơ’lâk kơphế ƀă kŏng ki phá tơ-ê tiô khôi hmâ ôu kơphế dêi Việt Nam ‘’phin tiô khôi vâi krâ nah’’ ƀă hơ’lâk tiô kih thuât phêuh chuâ mơ-éa dêi Nhuk ‘’Pour V60’’ xua tơpoăng kơphế Việt Nam. Roh tơ’noăng tơkŭm po sap hâi lơ 10 – 13/3/2023, veăng ngăn ai Khu kih thuât ai 18 ngế ki rơkê, khu châm điêm.