Tơdroăng pro pro leh mơdĭng pro tiô túa tơlá xo têa rơnó hơngui dêi kuăn pơlê a kố ƀă cho tơdroăng pêi pro ai pơxúa pơxiâm vâ po “Leh mơdĭng vêh pơlê xiâm Pác Bó” hơnăm 2023. Túa tơlá xo têa apoăng hơnăm nếo cho tơdroăng pêi pro ki lĕm tung mơhno túa lĕm tro dêi kuăn ngo Tày, Nùng a hên tíu a Cao Bằng pơtối rak vế ƀă xo têa têk pleăng a tíu xối tơbâ Pôa Hồ Chí Minh - Kăn xiâm hnê ngăn tơnêi têa hneăng hdrối hiăng châ kuăn pơlê pêi pro a hâi lơ 1 khế 2 (riân tiô mâ khế) hiăng hmâ pêi pro ing hên hơnăm hdrối nah. 

Troh ƀă tơdroăng po leh mơdĭng vêh a pơlê xiâm Pác Bó hơnăm 2023, tơmối ối châ ngăn vâi mơđah hơdruê xuâng tiô túa lĕm tro dêi kuăn ngo a tơring Hà Quảng; châ hlo ngăn tơdroăng ki ro dêi mâu tơdroăng xah hêi tiô hmâ rôh ton nah mê cho xah hvât plâi còn, xah hnhó hơ’răng kŏng (cho xah lảy cỏ), to loăng chĕng klĕng, truâ chêng khŏng ƀă tâl ƀă hên ki ê, ngăn mơnúa kâ kơchâi ki kơhiâm phá krê xêh dêi kuăn ngo, hyô ngăn tíu tơbleăng tơmeăm teăn tiô chal krâ ƀă hên tơdroăng mơhno ki lĕm tro dêi hdroâng kuăn ngo a tíu kố.