Kum tơmối lăm ngăn, hyô a Dak Lak tung pơla Po mơdĭng Kơphế Ƀuôn Ma Thuột rôh má 8, 12 khu mơdró kâ ki pơkuâ mâu tơdroăng ki djâ tơmối a kong pơlê Dak Lak hiăng mơjiâng 42 tour ôm hyô ƀă hên tơdroăng ki hơniâp tơviah. Tiah mê, mâu tíu pêi cheăng ki pơkuâ djâ tơmối pơrá mơjiâng tour 1 hâi, tour 3 hâi 2 măng lơ 4 hâi 3 măng, tung mâu tour 4 hâi 3 măng châ pêi pro a chê ƀă hâi ki po ƀă mâu tơdroăng cheăng dêi hâi Leh tơbleăng vâ bro tơ’lêi hlâu ăm tơmối ăm troh hyô ngăn, veang tung hâi leh.

Rơtế ƀă 18 tơdroăng cheăng ki xiâm dei rôh mơdĭng, tơmối kô chiâng vâ rah xo mâu tour lăm ngăn a mâu kơpong ôm hyô tung ƀă ôh tá tung pơlê kong kơdrâm Ƀuôn Ma Thuột; mâu tour ki châ mơnúa xah môi tiah, kơto rơxế mái, hếo ngo, vo plong tơkâ xí, kơto rơxế mái tơkâ luâ kong lơ tăng ‘nâi ‘na loăng kơphế, cheăng pêt kơphế ƀă mâu tơdroăng ki uâ pơliê kơphế a Dak Lak.

Malối, hên tour bro ăm tơmối tăng ‘nâi tơdroăng reh ối, mơhno túa lĕm tro, pế pơchên kế kâ, khôi túa tơlá dêi mơngế Rơđế, mơngế M’Nông ƀă mơhno túa lĕm tro, kế kâ dêi mơngế Lếo a Tây Nguyên.