(VH 1 ảnh)

VOV4.Xơ Đăng - Hâi lơ 1/5 la ngiâ kố ah, a pơlê kong kơdrâm Ƀuôn Ma Thuột, Khu ngăn Mơhno túa lĕm tro – Tơ’noăng ivá ƀă ôm hyô kong pơlê Dak Lak kô tơrŭm ƀă nhạc sĩ Nguyễn Cường tơkŭm po Kong măng hơdruê ‘’Troh ƀă Kong ngo’’ ƀă mơđah mâu tơdroăng ki pro pơro ‘’Pói rơhêng dêi Dam San’’. Tơdroăng ki chêh, hbrâ mâu ƀai hơdruê, tơdroăng pơro ‘’Pói rơhêng dêi Dam San’’ châ Vi ƀan hnê ngăn kong pơlê Dak Lak kĭ pơkâ sap ing hơnăm 2020 ƀă rơhêng vâ mơjiâng pro môi tơdroăng tơkŭm po ki kân ăm tơdroăng hơdruê Việt Nam, ôu eăng rơhêng vâ mơ-eăm troh dêi mơngế Rơđế a Tây Nguyên tung tơdroăng ton nah ƀă dêi Dak Lak hâi kố.

Ƀai hơdruê, xuâng, tơdroăng pro poro ‘’Pói rơhêng dêi Dam San’’ kô mơđah tơbleăng a hâi lơ 1/5/2022

Tơdroăng hơdruê xua nhạc sĩ Nguyễn Cường chêh ƀă pro ngế ki pơkâ thế mơđah, hơdruê, Nghệ sĩ Nhân dân Y San Alio# pro ngế ki ngế mơđah; mâu ngê̆ sih dêi khu kơxuâng kuăn ngo Dak Lak tâp ƀă hbrâ tung plâ vâ chê 2 hơnăm ƀă hiăng châ mơđah mơnúa ngăn a mơ’nui hơnăm 2021.

Katarina Nga tơplôu ƀă tơbleăng