VOV4.Xơ Đăng - Pêi pro Hâi mơhno túa le\m tro pơchuât ngăn hlá mơ-éa, a Hngêi trung râ má pái Võ Văn Kiệt, tơring Ea H’Leo, Khu ngăn văn hok ngê̆ thuât kong pơlê Dak Lak tơrŭm ƀă Khu ngăn mơhno túa le\m tro, tơ’noăng ivá ƀă ôm hyô, Khu ngăn hên hriâm ƀă hnê mơjiâng tuăn ngôa rơkê, Khu pơkuâ ngăn Đoân ƀă Khu ngăn tíu ‘măn rak mâu hlá mơ-éa kong pơlê tơkŭm po tơdroăng “Hlá mơ-éa ƀă hơnăm ối nếo dêi hok tro”.

Dak Lak: Hlá mơ-éa ƀă hơnăm ối nếo hok tro troh ƀă mâu hok tro ki ối hơngế hơngo

Hâi leh mê kô pêi pro mâu tơdroăng mê cho: Mơhnhôk tơ’noăng Teăng mâ mơhno khôi túa le\m tro pơchuât ngăn hlá mơ-éa kong pơlê Dak Lak hơnăm 2022; tơbleăng hlá mơ-éa “Tơmeăm khoăng Hồ Chí Minh- Kơthô pơtroh ăm mâu droh rơtăm”; Hnê tối ‘na luât “Tơniăn ‘na mâu tơdroăng nếo ‘nâi tơdroăng drêng xúa măng Internet ƀă veăng ngăn tung măng xah hô̆i”.

Jâ Niê Thanh Mai, Kăn hnê ngăn Hô̆i văn hok ngê̆ thuât kong pơlê Dak Lak ăm ‘nâi, tơdroăng mê vâ kum mâu vâi o hok tro ai tơ’nôm rôh châ ngăn hlá mơ-éa, pro tơ’lêi hlâu mơnhông mơdêk ‘na mơhno túa le\m tro  ki pơchuât ngăn hlá mơ-éa ing tơdroăng pêi pro lĕm tro ‘na hriâm a hngêi trung, malối bă mâu hngêi trung a kơpong hơngế hơngo.

Gương tơplôu ƀă tơbleăng