Drêng tơbâ 136 hơnăm Hâi kot mâ Pôa Hồ Chí Minh, Hội Văn học Nghệ thuật kong pơlê Dak Lak tơrŭm ƀă Trung đoàn Kăn sat cơ đô̆ng Tây Nguyên ƀă Hngêi trung Đại học Luật Hà Nội a Dak Lak tơkŭm po hôp tơpui tơno “Mâu kơxop hlá mơéa chêh ‘na Pôa Hồ Chí Minh ƀă tơdroăng púi rơhêng vâ dêi mâu hơnăm ối nếo”. Tơdroăng kố tơ’mot hên mâu văn nghệ sih, giảng viên, kăn ƀô̆ mố đô̆i ƀă sinh viên veăng ai mâ.

Mâu rơkong tơpui tối a rôh hôp tơpui tơno tối rơdêi, tung chal xúa kơxô̆, cheăng pơchuât mơ-éa ‘na Pôa ôh ti xê pro ăm mâu rơxông hơnăm ối nếo hlê tơ’nôm ‘na tơdroăng ton nah dêi hdrông mơngế mê ối veăng gum bro tơbêng túa rêh ối ƀă hnoăng cheăng pôu râng ƀă pơlê pơla”. Tiô Ngế ki chêh văn Niê Thanh Mai, Kăn hnê ngăn Hội văn học nghệ thuật kong pơlê Dak Lak, tung la ngiâ ah kô pơtối tơdjâk mâu hlá mơ-éa chêh ‘na Pôa ƀă hên tơdroăng vâ ăm ki kơnía hiâm mơno tơmiât, tuăn mơno, túa rêh ối Hồ Chí Minh troh achê tâ ƀă kuăn pơlê.