VOV4.Xơ Đăng - A cheăm Ea Tar, tơring Čư̆ Mgar, kong pơlê Dak Lak, Khu ngăn Mơhno túa lĕm tro tơ’noăng ivá ƀă Ôm hyô Dak Lak tơkŭm po ‘mâi mơnhông tơdroăng Leh kĭ tơkêa pro nhŏng o dêi kuăn pơlê a kong pơlê. Tơdroăng ki mơdĭng pêi pro kố cho a hngêi jâ H’Djuăn Niê, a ƀuôn Drai Sí, cheăm Ea Tar, tơring Čư̆ Mgar, pro nhŏng o ƀă pôa Y Thôn Niê. Tơdroăng mơdĭng kố châ pro tiô khôi hmâ ƀă 3 hdroh xối pleăng, tơmeăm ai 7 to xiâm drôu, môi pŭm chu kriếo ƀă 2 pŭm í, ai tơdroăng ki veăng ƀă châ ngăn dêi hên hĭn kuăn pơlê hdroâng hdrê péa pâ rơpŏng.

Dak Lak: ‘Mâi mơnhông leh tơkêa pro nhŏng o dêi mơngế Rơđế

Khu ngăn mơhno túa lĕm tro tơ’noăng ivá ƀă ôm hyô kong pơlê Dak Lak ăm ‘nâi, tơdroăng ki ‘mâi mơnhông mơdĭng pro nhŏng o cho môi tung mâu tơdroăng cheăng dêi kong pơlê vâ ‘mâi mơnhông mâu tơdroăng mơ’dĭng khôi hmâ dêi mâu hdroâng kuăn ngo a kong pơlê drêng mâu tơdroăng hiăng vâ piu lôi, veăng kum rak vế ƀă mơdêk mâu tơdroăng ki kơnía mơhno túa lĕm tro chêng koăng a kong pơlê.

Katarina Nga tơplôu ƀă tơbleăng