VOV4.Xơ Đăng - Pêi pro troh tơbâ 92 hơnăm hâi mơjiâng Đảng Kŏng san Việt Nam ƀă koh tơdah hơngui Nhâm Dần, kơxo lơ 14/1, Tíu ‘măn rak kế tơmeăm Dak Lak tơkŭm po mơđah tơbleăng inâi ƀă tơdroăng cheăng mơnúa “Môi rôh ki vâ chôu vế”. Ƀă vâ chê 230 kơtâ um hlá mơ-éa, kế tơmeăm, ‘na tơdroăng “Môi rôh vâ chôu vế” châ mơđah tơbleăng ƀă 2 inâi cho “Tơnêi tơníu Têt nah” ƀă “Tơdroăng ki ôh tá kâi piu chal ki ton nah a Dak Lak”.

Dak Lak: Pơxiâm po mơđah tơbleăng tơdroăng “Môi rôh ki vâ chôu pâ” 

Ing mê, vâ vêh mơhno tơnêi tơníu nah ƀă mâu kế tơmeăm ki hmâ achê, rơnuâ pro lĕm tơ’nôm reăng mai, kơƀeăng ki ‘măn kế tơmeăm xối pleăng, kơ-ƀăn chưng, kơ-ƀăn tek. Rơtế ƀă 2 inâi ki châ mơđah, tơdroăng Môi rôh vâ vêh chôu vế ối ai mâu tơdroăng ki châ mơnúa ngăn ƀă tơpui tơno ƀă tơmối môi tiah: tơdroăng ki pro kơ-ƀăn thuẫn, kơ-ƀăn kơtâ í ki pôh, tơdroăng ki xah kơ-êng ki ro, pâ tơdroăng ki mơhúa apoăng hơnăm.

Katarina Nga tơplôu ƀă tơbleăng