Tung 2 hâi, lơ 4 - 5/2, a tơring Krông Năng, kong pơlê Dak Lak po mơdĭng mơhno túa lĕm tro khôi vâi krâ Việt Bắc rôh má 12, rơnó Hơngui Qúy Mão 2023.  Po mơdĭng ai pêi pro hên tơdroăng mơhno túa lĕm tro, mơđah hơdruê xuăng  ki ro, xah hêi tiô chal krâ nah ăm kuăn pơlê ƀă tơmối ki troh ngăn. Mê cho tơdroăng pêi pro châ tơkŭm po rêm hơnăm vâ pơtối rak túa lĕm tro dêi mâu hdroâng kuăn ngo kơpong Việt Bắc ki rêh ối a kơpong Tây Nguyên.

Sap hơnăm 2010, mơdĭng mơhno túa lĕm tro ton nah dêi Việt Bắc châ tơkŭm po tiô hneăng hmâ po drêng troh khế mơniâ khế môi rêm hơnăm hlối pêi hên tơdroăng ki tơviah: Mơdĭng xối xeăng tơnêi ƀă mơdĭng rơkâu pâ pêi cheăng pon mơhúa, tơ’noăng pro hơkôp, tơ’noăng pro kơƀăn chưng - kơƀăn dày, prông tơxông, pôh pheăng chu - pế drôu.

Peăng xah hêi ai mâu tơdroăng xah hêi tiô chal krâ nah, mê cho: hdrot kơxái, trut loăng, to chĕng klĕng, hvât plâi còn, tơ’mot krâm kuăn pơlê veăng xah hêi.