Rôh hôp lâp plâi tơnêi kiâp hmốu ngo on rôh má 20 hơnăm kố hiăng tơdah xo 28 tơdroăng ki tối tơbleăng khoa hok ƀă hên tơdroăng ki kal, hlá mơéa ki kơnía git ‘na ngo on ƀă kiâp hmốu dêi hên kơpong tung lâp plâi tơnêi, veăng kum tung tơdroăng mơnhông tơdjuôm dêi Vi ƀan Kiâp hmốu ngo on lâp plâi tơnêi.

Rôh hôp khoa hok “15 hơnăm mơnhông Tơnêi tơníu a Việt Nam” xuân hiăng châ xo 15 ƀai ki veăng tơpui tối ing mâu kăn cho teăng mâ Tơdroăng Tơnêi tơníu lâp plâi tơnêi, Tơdroăng Tơnêi tơníu châu Á – Thái Bình Dương ƀă mâu kong têa ki tơrŭm cheăng môi tiah Nhuk, Hàn Quốc ƀă hên ki ê; Tơdroăng ki tối mâu tơdroăng, ƀai hriâm ki rơkê sap ing mâu Công viên Tơnêi tơníu a Việt Nam môi tiah Công viên tơnêi tơníu lâp plâi tơnêi kong ngo hmốu Đồng Văn – Hà Giang; Công viên tơnêi tơníu lâp plâi tơnêi Non nước Cao Bằng, Công viên tơnêi tơníu Lạng Sơn.

Rôh hôp xuân hiăng châ hlo leh kĭ tơkêa Hlá mơ-éa tơrŭm cheăng pơla mâu Công viên tơnêi tơníu lâp plâi tơnêi mâu kong têa tơrŭm cheăng tung Tơdroăng Việt Nam môi tiah Công viên tơnêi tơníu lâp plâi tơnêi UNESCO Dak Nông, Công viên tơnêi tơníu lâp plâi tơnêi kong ngo hmốu Đồng Văn – Hà Giang, Công viên tơnêi tơníu lâp plâi tơnêi UNESCO Non nước Cao Bằng  ƀă Công viên tơnêi tơníu lâp plâi tơnêi UNESCO Mudeungsan (Hàn Quốc)