VOV4.Xơ Đăng -.Kơxo lơ 22/3, a Hà Nội, Khu xiâm Đoân droh rơtăm Kŏng sản Hồ Chí Minh tơkŭm po hneăng tơ’noăng chêh hneăng hôp Đoân droh rơtăm tung lâp tơnêi têa roh má 12 ƀă tơbleăng a hneăng hôp. Hneăng tơ’noăng chêh tơbleăng hneăng hôp Đoân tung lâp tơnêi têa roh má 12 mơhnhôk pêi pro sap lơ 29/10/2021. Kơ’nâi lối 1 khế tơbleăng, hneăng tơ’noăng hiăng ai lối 200 ngế chêh ƀă 368 ƀai pơtroh veăng tơ’noăng, Khu tơkŭm po hiăng rah pơchau 1 to pri ối má 1, 1 to pri má péa, 1 to pri má 3, 4 to pri mơhnhôk ƀă môi ngế chêh hên tơdroăng.

Tung mê, pri ối má môi ăm ƀai chêh dêi Vũ Hồng Quân, ối a Hà Nội. Tiô pôa Nguyễn Tường Lâm, Kăn hnê ngăn Đoân droh rơtăm Kŏng sản Hồ Chí Minh; Logo châ kâ pri ối má môi cho pơtih ki khât dêi Hneăng hôp Đoân tung lâp tơnêi têa roh má 12 ƀă châ tơbleăng tung hlá tơbeăng, rơ’jíu ƀă tung troăng kơxô̆ ing hâi lơ 22/3.

Gương tơplôu ƀă tơbleăng