Kố cho tơdroăng pêi tiah hmâ rêm hơnăm dêi Khu xiâm pơkuâ kơmăi kơmok tê mơdró vâ mơhnhôk roh mơhnhôk ‘’Mơngế Việt Nam kơjo xúa tơmeăm khoăng Việt Nam” xua Khu xiâm kal kí mơhnhôk. Ƀă tơdroăng mơjiâng hê̆ sinh thái pơlê pơla khu tê mơdró mơjiâng tơmeăm, tê mơdró tơmeăm Việt Nam, a leh xah hêi “Phiu ro tơmeăm Việt Nam – Ki lĕm tơmeăm Việt Nam’’ hơnăm kố ai hên tơdroăng ki nếo, ƀă hên mâu tơdroăng tơdjêp mâu khu tê mơdró, khu tơrŭm cheăng, rơpŏng kuăn pơlê pêi chiâk deăng mơjiâng hê̆ sinh thái pơlê pơla khu tê mơdró mơjiâng pro, tê mơdró tơmeăm khoăng Việt Nam.

Tíu mơđah tơbleăng tơmeăm Việt Nam dâi lĕm 2022

Leh xah hêi amê ai vâ chê môi hrĭng tíu troh ing mâu grup pơkuâ mơjiâng pro kế tơmeăm khoăng, tê, mâu khu tơrŭm cheăng, rơpŏng mơjiâng kŭn djâ troh mâu tơmeăm Việt Nam hên tơmeăm. 13 hơnăm hiăng hluâ, Khu xiâm pơkuâ ‘na kơmăi kơmok tê mơdró hiăng đi đo mơhnhôk rêm râ kuăn pơlê tung pơlê pơla kơjo xúa tơmeăm Việt Nam ƀă tŏng kum, mơhnhôk khu tê mơdró thăm mơ’no liăn, mơjiâng tơmeăm, tê tơmeăm, tơmeăm ki dâi lĕm.

Xua mê, kơxô̆ tơmeăm Việt Nam a tíu tê tiô rơxông nếo tung tơnêi têa đi đo châ sap ing 80% - 90% ƀă lối 60% a mâu kơchơ tiô khôi vâi krâ nah.