Măng tĭng leh Khôi túa lĕm kơchâi kâ kong pơlê Gia Lai ai 27 kơbong mơđah tơbleăng tơmeăm dêi mâu tíu cheăng tê mơdró tơmeăm ôu kâ, hngêi tê tơmeăm ôu kâ, hngêi ăm tơmối kâ koi ối pơtê tung kong pơlê. Mâu tíu kố tê mâu kơchâi kâ ki phá tơ-ê dêi kuăn pơlê tung kong pơlê môi tiah: í pôh ing hơngế on, tơxông prông, kơchâi mŏn, kơchâi trŏng.

Í pôh, tơxông prông châ hbrâ ‘măn vâ ăm tơmối rôe kâ

Rơtế amê, cho mâu kơchâi kâ kơhiâm dêi mâu kong pơlê, pơlê kong kơdrâm ki ê môi tiah: kơchâi goih plâi hung, kơchâi goih kơteăm, kơchâi lâuh ly, kem khói; mâu kơƀăn vâi krâ nah môi tiah, kơƀăn bèo, nậm, tai vạc, kơbăn lọc trần, kơbăn lọc kơxuô hlá priât môi tiah a Huế.

Tơmối troh leh xah hêi rôe ƀă kâ mâu kơchâi kâ

Pakĭng mê, mâu tíu chôu ‘măn mơđah tơmeăm kơchâi kâ, tung 4 hâi tơkŭm po tơdroăng kal, ối ai mâu tơdroăng mơđah tơbleăng ‘na mâu kơchâi kâ ki kơhiâm má môi dêi kong pơlê Gia Lai.