Tiah mê, mâu tơdroăng cheăng tơbâ 50 hơnăm Ƀlêi trâng Ƀuôn Ma Thuột ƀă tơleăng lĕm kong pơlê Dak Lak (10/3/1975-10/3/2025) ai mâu tơdroăng ki xiâm: Leh chôu nhang, pleăng reăng a ilâng kiâ mố đô̆i kong pơlê ƀă Tíu xối tơbâ Tơnêi têa Hngêi phâk Ƀuôn Ma Thuộ; Leh mitting, prôk pơtăng a troăng; Rôh hôp khoa hok “50 hơnăm ƀlêi trâng Ƀuôn Ma Thuột – Ki kơnía ƀă ƀai hriâm ki ôh tá kâi piu”; Mơđah tơbleăng um “Dak Lak – 50 hơnăm mơjiâng ƀă mơnhông”; mâu tơdroăng túa lĕm tro, ngê̆ thuât koh hâk.

Pôa Phạm Ngọc Nghị, Kăn hnê ngăn Vi ƀan kong pơlê Dak Lak tối nhên, mâu tơdroăng cheăng tơbâ 50 hơnăm Ƀlêi trâng Ƀuôn Ma Thuột, tơleăng lĕm kong pơlê Dak Lak (10/3/1975-10/3/2025) ƀă Leh hô̆i Kơphế Ƀuôn Ma Thuột rôh má 9 hơnăm 2025 cho hnoăng cheăng ki xiâm dêi kong pơlê tung la ngiâ.