Ngê̆ sih Linh Nga Niê Kdăm inâi khât cho H’Linh Niê Kdăm, hdroâng kuăn ngo Rơđế, kot mâ hơnăm 1948 a Việt Bắc. Klêi kơ’nâi 25 hơnăm hriâm tâp a Peăng Kơnhŏng, jâ vêh ngi Dak Lak, pêi cheăng a Đoàn ca múa nhạc dân tộc kong pơlê ƀă hnoăng cheăng cho ca sih, veăng mơđah hơdruê kum ăm vâi krâ nhŏng o a kơpong hngế hngo.

Tung kơvâ chêh, jâ ai hên ƀai chêh hơdruê ‘na kơpong tơnêi Tây Nguyên – Dak Lak, châ hên kuăn pơlê hâk vâ tơmâng. Klêi mê, jâ bro kăn pơkuâ Hngêi trung Kao đăng Văn hóa Ngê̆ thuât Dak Lak, hnê Thanh nhạc a hngêi trung. Hên rơxông hok tro, sinh viên dêi jâ hiăng ƀlêi chiâng tung tơdroăng hơdruê, tung mê ai Y Moan, ngế Ngê̆ sih Nhân yân ki hiăng hlâ ƀă Nhak sih Y Phôn Ksơr.

A kong măng po hơdruê, kuăn pơlê châ hmâng mâu ƀai hơdruê ki hơniâp ro ƀă inâi dêi ngê̆ sih Linh Nga Niê Kdăm ƀă séa ngăn tơdroăng pơla 3 ngế nhak sih: Linh Nga, Nguyễn Cường ƀă Y Phôn Ksơr, châ hlo ivá hâk vâ dêi vâi ăm kơpong tơnêi ƀă hơdrê Tây Nguyên.