VOV4.Xơ Đăng - Klêi kơ’nâi 2 hâi tơkŭm po phiu ro, kơxê lơ 20/5, a pơlê kong kơdrâm Kon Tum tơkŭm po Leh mơgêi ƀă diâp pri Hneăng tơ’noăng ‘’Vâi hdrêng pơtâng tối tơbleăng kơxop mơ-éa’’ hơnăm 2022. Hneăng tơ’noăng ‘’Vâi hdrêng pơtâng tối kơxop mơ-éa’’ hơnăm 2022 xua Khu pơkuâ ‘na túa lĕm tro, ivá ƀă ôm hyô kong pơlê Kon Tum tơkŭm po mơhnhôk vâ chê 80 ngế hok tro lo ing mâu hngêi trung mâm non, râ má môi ƀă râ má péa tung kong pơlê.

Hneăng tơ’noăng vâi hdrêng pơtâng tối, tơbleăng kơxop mơ-éa hơnăm 2022 

Tung 2 hâi tơkŭm po Hneăng tơ’noăng, mâu vâi hdrêng hiăng pêi pro tơdroăng ki pơtâng tối, tơbleăng kơxop mơ-éa dêi tơná hluâ lối 40 tơdroăng hơ’muăn ki má môi. Ki má môi cho mâu tơdroăng hơ’muăn ton nah, ngế djâ troăng pêi tơdroăng ki lĕm, tơdroăng hơ’muăn ‘na nôu ƀă Pôa Hồ nhuô̆m pâ. Mơgêi Hneăng tơ’noăng, Khu tơkŭm po kheăn kơdeăn 41 ngế krê ƀă 10 khu pú hên châ rơkê má môi.

A Sa Ly tơplôu ƀă tơbleăng