VOV4.Xơ Đăng Drêng hâi xua mâu ngế tro trếo ‘mêi Việt Nam lơ 10/8, a kong pơlê Kon Tum, Mơđah tơbleăng “Trếo ‘mêi – Hiâm mơno ƀă Tơdroăng tơdâng” xua Khu ngăn mâu ngế ki tro trếo ‘mêi Dioxin Việt Nam, Ƀinh chủng trếo pơkeăng ƀă Vi ƀan hnê ngăn kong pơlê Kon Tum tơrŭm tơkŭm po pơtối tơ’mot tơmối lăm ngăn. 

Kon Tum: Mơđah “Trếo ‘mêi – Hiâm mơno ƀă tơdroăng tơdâng”

Tiô riân dêi tíu ‘măn rak kế tơmeăm Tíu ‘măn rak hlá mơéa kong pơlê Kon Tum ăm hlo, tung 20 hâi hdrối nah hiăng ai lối 1 rơpâu ngế tơmối troh a tíu ki mơđah “Trếo ‘mêi  - Hiâm mơno ƀă Tơdroăng tơdâng”.Tung kơxô̆ ngế tơmối kố ai hên tơmối kong têa ê ƀă mâu ngế ki tro trếo ‘mêi dioxin xua khu lêng Mih xế a peăng hdrôh tung rôh tơplâ vâ hdi xo Việt Nam hneăng hơnăm sap ing hơnăm 1961 troh hơnăm 1971.

Môi ngế tơmối ngăn um rơ riô tung hiâm mơno

Pơtối lối péa tơdah tơmối lăm ngăn troh tâi hâi lơ 25/8, Mơđah tơbleăng ‘Trếo ‘mêi – Hiâm mơno ƀă Tơdroăng ki tơdâng” tơbleăng tối vâ chê 400 kơtâ um, hlá mơéa, kế tơmeăm ton nah. Ing rôh mơđah tơbleăng kố, kuăn pơlê ƀă tơmối hlê nhên tâ ‘na ki klêi kơ’nâi tro tréo ‘mêi dioxin ƀă kong prâi tơnêi tơníu ƀă ivá kuăn mơngế.

Katarina Nga tơplôu ƀă tơbleăng