Tung mâu tơdroăng pêi pro troh hâi leh tơbâ 93 hơnăm mơjiâng Đảng Kŏng sản Việt Nam ƀă 110 hơnăm hâi mơjiâng kong pơlê Kon Tum (9/2/1913- 9/2/2023),  kơxo 6/2 a tơring Tu Mrông, kong pơlê Kon Tum po leh mơdĭng ăm kơneăng Khinh khí cầu sâm Ngọc Linh K5 “ Kơneăng vêh ngi kong ngo’’. A hâi leh mơdĭng, ai tâi tâng 30 to Khinh khí cầu kơneăng a kơpong tơnêi Tu Mrông, cho tíu ki pêt mơjiâng mâu túa pơkeăng kơnía git dêi Sâm Ngọc Linh. veăng leh mơdĭng mê, tơmối ƀă kuăn pơlê a kong pơlê kố châ kơneăng tê kơtê a Khinh khí cầu vâ mơnúa tâ ‘nâi xêh, châ ngăn tíu ki lĕm dêi kong ngo.

Tơdroăng ki tơviah phá drêng veăng Leh mơdĭng mê ai Trung tướng, ngế khên tơnôu dêi khu lêng Phạm Tuân, ngế ki apoăng dêi Việt Nam ƀă Châu Á châ kơneăng a  hbo plêng a hơnăm 1980 nah.