Kơmăng lơ 18/11, a Plông kân lơ 16/3 a kong pơlê Kon Tum, Vi ƀan hnê ngăn kong pơlê Kon Tum tơkŭm po leh ô eăng inâi ki châ Tơnêi têa dó “Ngê̆ nhân ưu tŭ” tung tơdroăng pơtối rak vế túa lĕm tro tơmeăm khoăng kơnía git ƀă Leh mơgêi Khu tŏn chêng, kơhnhon xoăng dêi mâu hdroâng kuăn ngo tung kong pơlê Kon Tum roh má môi hơnăm 2022. A hâi Pơkâ dêi Kăn xiâm hnê ngăn tơnêi têa, kong pơlê Kon Tum ai 15 ngế ki rơkê kơhnâ châ mơnhên pơxá inâi “Ngê̆ nhân ưu tŭ”.

A leh ô eăng pơxá inâi mê, Vi ƀan hnê ngăn kong pơlê Kon Tum hiăng diâp ƀâng kơdeăn khĕn pơxá inâi “Ngê̆ nhân ưu tŭ’’ ăm 14 ngế ƀă diâp inâi ƀă 1 ngế ngê̆ nhân cho ngế rơkê. Tơdrêng ƀă leh pơ-ô eăng inâi châ Tơnêi têa pơxá  “Ngê̆ nhân ưu tŭ’’ tung pơtối rak vế túa lĕm tro tơmeăm khoăng kơnía git, kơmăng kố Vi ƀan hnê ngăn kong pơlê Kon Tum hiăng tơkŭm po leh mơgêi, mơhá pri khu tơ’noăng tŏn chêng koăng, kơhnhon xoăng dêi mâu hdroâng kuăn ngo tung kong pơlê Kon Tum roh má Mối hơnăm 2022.