VOV4.Xơ Đăng - Klăng leh tơbâ 77 hơnăm Hâi mơjiâng tơnêi têa 2/9, kơxê lơ 25/8, a pơlê kân Đinh Văn, tơring Lâm Hà, Lâm Đồng, kong pơlê Lâm Đồng hiăng tơkŭm po tơ’noăng mâu Kâu lăk ƀô̆ khôi túa lĕm tro – hơdruê xuâng tiô khôi vâi krâ nah roh má I hơnăm 2022. Veăng tơ’noăng roh kố ai lối 260 ngế tơ’noăng pơlê pơla lo ing 13 kâu lăk khôi túa lĕm tro – hơdruê xuâng dêi kong pơlê Lâm Đồng.

Lâm Đồng: pơxiâm po tơ’noăng mâu Kâu lăk bô̆ khôi túa lĕm – hơdruê xuâng tiô khôi vâi krâ nah

Tơ’noăng vâ pơ-ô pơ-eăng ƀă mơnhông ki kơnâ mâu tơdroăng hơdruê xuâng dêi hdroâng mơngế Việt Nam tối tơdjuôm, mâu hdroâng kuăn ngo kong pơlê Lâm Đồng tối krê. Tung pơla 2 hâi, 53 tơdroăng hơdruê kheăn kơdeăn Đảng, Pôa Hồ nhuô̆m pâ, kheăn kơdeăn tơdroăng pâ nhuô̆m pơlê tơnêi têa kô châ mâu kâu lăk ƀô̆ đi đo tơ’noăng mơđah tơbleăng ing hên tơdroăng hơdruê xuâng, ca dao, hơdruê pơlông, tuông, chèo, cải lương, rêi prôa, ting ning, xah mâu tơdroăng xah dêi hdroâng kuăn ngo ƀă hía hé.

A Sa Ly tơplôu ƀă tơbleăng