Kơxo lơ 02/6, leh chúa hlá cơ ASEAN PARA Games 12 hiăng po a Kơpong tơrŭm pơtâp ivá tơnêi têa Morodok Techo a pơlê kong xiâm Phnom Penh (Kul). Kố cho tơdroăng ki mơnhên tối ki ai mâ păng ‘nâng dêi khu tơ’noăng ivá teăng mâ 11 to tơnêi têa Đông Nam Á veăng ai mâ ASEAN PARA Games. Tiô tối tơbleăng dêi khu tơkŭm po, rêm to kong têa ai 30 ngế tơ’noăng, kăn ƀô̆ veăng tung leh chúa hlá cơ. Hneăng tơ’noăng ivá mơngế chó chêng tơvê kŏng Đông Nam Á (ASEAN Para Games 12) kô po a Kul tung mâu hâi sap ing lơ 3 – 9/6.
Tiô tối tơbleăng sap ing tơnêi têa ki tơkŭm po, ASEAN Para Games 12 ai tơdroăng ki veăng dêi dâng 2.600 ngế, tung mê ai 1.400 ngế tơ’noăng lo ing 11 to kong têa kơpong Đông Nam Á. Mâu ngế tơ’noăng kô tơ’noăng a mâu môn prôk chêng, peăng xâk í, boccia, cờ vua, kơtu ƀa long 5 ngế, kơtu ƀa long 7 ngế, judo, têk tă, klê têa, peăng pĭng pŏng, peăng ƀa long ‘nân, hvât ƀa long kơto rơxế króu, E-sport.
Hâi lơ 31/5, Khu tơ’noăng ivá mơngế chó chêng tơvê kŏng Việt Nam hiăng lăm troh a kong têa Kul veăng a hneăng tơ’noăng ƀă 159 ngế tơ’noăng, tung mê, ai 16 ngế kăn ƀô̆ đoân, 21 ngế ki hnê ƀă 122 ngế cho mâu ngế ki tơ’noăng veăng tơ’noăng a 8 môn mê cho prôk chêng, klê têa, têk tă, peăng xâk í, peăng pĭng pŏng, cừ vua, judo ƀă boccia.
Viết bình luận