Kơxê lơ 26/2, Khu kăn pơkuâ hnê ngăn Đảng kong pơlê Dak Lak tơkŭm po leh hiăng pro klêi Hngêi tiô túa ton nah dêi Khu kăn Đảng kong pơlê ƀă Hngêi trá xŏn dêi mơngế Rơđế. Tơmeăm khoăng dêi hngêi trá xŏn mơngế Rơđế châ mơjiâng pro tung kơpong tíu mơđah tơbleăng um tơmeăm kong pơlê Dak Lak, ƀă tâi tâng kơxô̆ liăn ‘no 6 rơtal 700 rơtuh liăn.

Tơmeăm khoăng mê 2 râ, tơnêi mơjiâng pro 460m2, tâi tâng bro ƀăng loăng. Tơmeăm khoăng pro mê veăng pơtối rak vế ki kơnía mơhno túa lĕm tro ton nah, ki lĕm tơviah ‘na khôi túa tơlá rêh ối, cheăng kâ dêi kuăn ngo rơtế. Tơmeăm khoăng hngêi trá ton dêi kong pơlê Dak Lak, xuân châ mơjiâng pro ƀă loăng ki chiâng xêh dêi khu kăn Đảng kong pơlê Dak Lak, xuân châ mơjiâng pro ƀă loăng kong, tiô túa dêi hngêi trá Tây Bắc, pro kân rơdâ gá 185m2, kơxô̆ liăn ‘no mơjiâng pro 10 rơtal liăn. 

Kố cho tíu tơbleăng, rak vế tơdroăng po leh kân, um méa, tơdroăng cheăng dêi Đảng ƀô̆ kong pơlê xuân môi tiah mâu kăn kong pơlê ing mâu rơxông; veăng ‘no hnoăng pơtối rak vế ki kơnía ton nah, cho “Tíu kal kí’’ ‘na hnê tơdroăng xiâm dêi Kăch măng.