VOV4.Xơ Đăng - Kơxo lơ 8/4, a cheăm Hùng Lô, pơlê kong kơdrâm Việt Trì, kong pơlê Phú Thọ, cheăm Hùng Lô tơkŭm po kân krip leh tơdah Lêh mơd^ng tiô khôi vâi krâ nah ‘’Leh Đình Hùng Lô’’ cho tơmeăm mơhno túa lĕm tro râ tơnêi têa ƀă tơbleăng pơkâ dêi kong pơlê Phú Thọ mơnhên tíu ôm hyô pơlê pơla Hùng Lô. Pơlê Hùng Lô nah ai inâi tối cho Khả Lãm Trang, kơ’nâi pơ’lêh chiâng pơlê An Lão.

Nah ai hơ’muăn, a môi hâi lĕm Pơtáu Hùng rơtế Apía ƀă mâu kăn pêi cheăng tung hngêi pơtáu to plong drô têa kroăng Lô lăm hêi, lăm lúa kuăn kiâ kong ƀă lăm ngăn kuăn kiâ kong, ká xi xŏng têa kroăng. Troh kơpong tơnêi Hùng Lô, Pơtáu hlo loăng pơlái kong kế lĕm, tơnêi hơpok, loăng ngiât lĕm, kong prâi rơngiâp lĕm mê pơtê chêng. Mâu kăn krâ ƀă kuăn pơlê hlo tiah mê hbrâ tơmeăm tơdah pơtáu.

Pơtáu phiu ro ƀă pơchân tối kuăn pơlê thâ muih kong pro kơtâu, pơlê xiâm. Ing mê troh kơ’nâi kố, kuăn pơlê pơlê Hùng Lô pro tíu koh tơbâ vâ rơpâu hơnăm chôu nhâng ƀă a roh lơ 9 – 10/3 âm lit rêm hơnăm pơtối tơkŭm po leh mơd^ng vâ tơbâ pơtáu. Tiô tơdroăng khôi vâi krâ nah, leh mơd^ng Đình Hùng Lô ai 7 tơdroăng leh xiâm, tung mê, leh tơdah xeăng cho môi tung mâu leh ki kân krip má môi, kân rơdâ má môi ƀă hrĭng ngế ting tông tơnông.

Nôkố, tung cheăm Hùng Lô ối rak 50 toăng hngêi pro [ă loăng ton nah hơnăm châ 100 hơnăm tơngi klêng, mâu toăng hngêi ối rak mâu ki kơnâ tơdroăng mơnhông mơdêk, khôi túa lĕm tro ƀă pro lĕm phá tơ-ê dêi khôi túa lĕm pêi chiâk deăng pêt báu klâng. Tơdroăng mơnhên Leh hô̆i tiô khôi vâi krâ nah ‘’Leh hô̆i Đình Hùng Lô’’ cho tơmeăm mơhno túa lĕm tro tơnêi têa ƀă tíu ôm hyô mơhno túa lĕm tro pơlê pơla cho tơdroăng ki vâ kuăn pơlê Hùng Lô mơnhông mơdêk ki kơnâ khôi túa lĕm tro, mơnhông tơmeăm pêi ‘na ôm hyô.

A Sa Ly tơplôu [ă tơbleăng