VOV4.Xơ Đăng - Kơxo lơ 21/4, a Tíu chôu ‘măn tơmeăm tơplâ xâ nah dêi Pôa Hồ Chí Minh, Kăn xiâm hnê ngăn tơnêi têa hneăng apoăng ƀă hbrâ mơdât pơreăng, tŏng kum kuăn pơlê’’. Mơđah tơbleăng lối 300 um, mơ-éa, tơmeăm châ mâu đông lêng mô đô̆i pin xúa tung roh tơplâ xâ ƀă xông tơplâ rơnó Hơngui 1975 ƀă lối 500 kơxop mơ-éa. Tíu mơđah tơbleăng châ tơbleăng tiô 2 tơdroăng pơxá: Ivá ó rơdêi khu lêng kuăn pơlê tung Roh xông tơplâ xâ ƀă xông tơplâ rơnó Hơngui 1975; Khu lêng kuăn pơlê pin tơdjuôm ivá môi hiâm mơno khŏm mơ-eăm ƀlêi trâng pơreăng kân COVID-19.

Lăm ngăn tíu mơđah tơbleăng

Xông tơpui a pơxiâm mơđah tơbleăng, Đăi tă Thái Thành Đức, Phŏ pơkuâ Kơ koan xiâm kal kí Kuân khu 7 mơnhên: Rŭm môi tuăn khu lêng kuăn pơlê cho xiâm kối ivá ó rơdêi chiâng ƀlêi trâng rơnó Hơngui 1975. Tung roh pơreăng COVID-19 roh má 4, khu lêng ƀă kuăn pơlê Kuân khu 7 hiăng ai lối 200 hâi hbrâ mơdât pơreăng. Mơdêk hiâm mơno ‘’Hbrâ mơdât pơreăng môi tiah tơplâ mơdât khu lêng ‘mêi’’, vâ chê 10 rơpâu mô đô̆i tơplâ xiâm dêi Kuân khu ƀă lối 70 rơpâu ngế lêng kuăn pơlê veăng mot tung tíu ai hên pơreăng vâ mơdât.

Nhạc cắt sau số 4

A Sa Ly tơplôu ƀă tơbleăng