VOV4.Xơ Đăng - Tung tơkŭm po ‘’Tơ’noăng mơngế hơdruê rơkê tơnêi têa roh má III – Cần Thơ hơnăm 2022’’, kơxo lơ 7/4, Khu xiâm pơkuâ ‘na mơhno túa lĕm tro, Tơ’noăng ivá ƀă Ôm hyô tơrŭm ƀă pơlê kong kân Cần Thơ tơkŭm po mơđah tơbleăng kế xah tiô khôi vâi krâ nah mâu hdroâng mơngế Việt Nam 2022. Mơđah tơbleăng 100 um ƀă lối 200 mơ-éa ƀă kế tơmeăm, mơ-éa chêh tối ‘na tơdroăng rêh ối, hiâm mơno dêi mâu hdroâng kuăn ngo, kơpong tung lâp tơnêi têa. Tung mê, tối rơdêi troh kế xah tiô khôi vâi krâ nah ki phá tơ-ê, má môi dêi mâu hdroâng kuăn ngo Việt Nam.

Mơđah tơbleăng ƀă hên tơdroăng, kế xah mâu hdroâng kuăn ngo kơpong kong ngo peăng kơnhŏng phá tơ-ê ƀă krê tơ-ê ƀă kế hlŭm khiê̆n dêi mơngế Mông; Kơpong peăng tơdế tơnêi têa ƀă hơkâ parnưng, hơkâ Ghinăng, keng Saranai ƀă hía hé. Mâu hdroâng kuăn ngo kơpong Trường Sơn – Tây Nguyên ai chêng koăng, kĕng hlŭm ing kái kơpôu, rơngê ting ting, T’rưng, kế xah pro ƀă plôi, kế xah pro ƀă hmốu, kế xah pro ƀă klŏng phêa, khiê̆n đing năm ƀă hía hé.

A Sa Ly tơplôu ƀă tơbleăng