VOV4.Xơ Đăng - Kơxo lơ 6/6, Khu pơkuâ ‘na mơhno túa lĕm tro tơ’noăng ivá kong pơlê Quảng Bình pơxiâm po mơđah tơbleăng kơxop mơ-éa, um ƀă dó inâi ‘’65 hơnăm Quảng Bình pêi tiô rơkong Pôa Hồ hnê’’ a Tíu chôu ‘măn tơmeăm khoăng ton nah kong pơlê. Mơđah tơbleăng vâ chê 1.000 kơtâ um, kơxop mơ-éa, tơmeăm ki kơnía dó inâi ‘’65 hơnăm Quảng Bình pêi tiô rơkong Pôa Hồ hnê’’.

Mơđah tơbleăng kơxop mơ-éa, um ‘’65 hơnăm Quảng Bình pêi tiô tơdjâ Pôa Hồ hnê’’

Tơdroăng xiâm mơđah tơbleăng kum hnê tuăn tơmiât ‘na kăch măng, khôi túa pâ nhuô̆m tơnêi têa ăm rơxông ối nếo, mơnhông hiâm mơno phiu ro, nhuô̆m hdroâng mơngế; mơhnhôk mâu râ kuăn pơlê Quảng Bình pêi cheăng ƀă pleăng hnoăng cheăng mơjiâng pơlê xiâm rế hía rế hiá rế rơkê, rế kro mơdrŏng.

            A Sa Ly tơplôu ƀă tơbleăng