VOV4.Xơ Đăng -   Drêng troh leh tơbâ 110 hơnăm hâi kot mâ  (1912 - 2022) ƀă 78 hâi pôa Tô Hiệu hlâ (1944 - 2022), a tíu tơbâ Tơnêi têa cho a hngêi phâk Sơn La, Tíu mơđah tơbeăng um tơmeăm kong pơlê Sơn La hiăng tơkŭm po mơđah um “ Tuăn vâ Tô Hiệu’’ . Mơđah tơbleăng um sap hâi lơ 1/3 troh lơ 31/12/2022. Mơđah tơbleăng ai 100 to kum châ tơbleăng  a lối 15 pano tơbleăng pá gong. Mâu mum tơbleăng tiô 3 tơdroăng: Pơlê xiâm; Tô Hiệu- ing tuăn vâ ƀă ing tơdroăng mơ-eăm kăch măng; Ô eăng ta troh ah ing tuăn vâ dêi Tô Hiệu.

Mơđah tơbleăng um “ Ing tuăn vâ Tô Hiêụ’’ tơbâ 110 hơnăm hâi kot mâ pôa Tô Hiệu

 Mơđah tơbleăng um rôh kố hiăng veăng  mơhno nhên ki khên tơnôu, tuăn hiâm kăch măng hrâ lê̆m, oh tá tơmiêt klâi ki ê, tuăn vâ mơ-eăm  tơplâ ta troh hlâ piu dêi tơná xua pro pơxúa ăm kăch măng, rơtế ƀă mơheăm hơ’nêh ƀă vâi pú, kuăn pơlê ƀă hiâm tuăn vâ kơhnâ dêi Tô Hiệu ngế ki hlâ ai hnoăng. Pakĭng mê, mơhno hnoăng ki kan ƀă tơdroăng pêi pro ki lê̆m dêi Tô Hiệu, cho ngế ki djâ troăng lê̆m ahdrối ăm rêm rơxông pêi ƀôi, veăng ‘no hnoăng hnê pêi pro tơdroăng ki lê̆m dêi pâ pôa pin nah.

Gương tơplôu ƀă tơbleăng