Khu pơkuâ ‘na mơhno túa lĕm tro – Ivá ƀă Ôm hyô Dak Lak tơkŭm po mơđah tơbleăng Um kơchuâ kong pơlê Dak Lak roh má môi. Tơkŭm po sap ing kố troh tâi hâi lơ 24/11 la ngiâ, mơđah tơbleăng 86 tơmeăm Um kơchuâ  dêi mâu ngế tung kong pơlê ƀă pa gong kong pơlê Dak Lak. Mâu tơmeăm châ pro ƀă hên tơmeăm ki phá tơ-ê môi tiah pong rơgi loăng, kơlơr, um sơng yâu, um chế, in mica, sơng mai, mơhno lĕm mâu tơdroăng rêh ối – pơlê pơla, ki lĕm dêi loăng pơlái, kong kế ƀă kuăn mơngế, tơdroăng tuăn pâ pơlê xiâm tơnêi têa, khôi túa lĕm tro, ki lĕm khôi túa ki phá tơ-ê dêi mâu hdroâng kuăn ngo dế rêh ối a Tây Nguyên.

Mơđah tơbleăng Um kơchuâ dêi kong pơlê Dak Lak roh kố châ mơjiâng ing xiâm kối mơđah tơbleăng rơnó khía rơxăm tơbăng kân rơdâ dêi Kâu lăk ƀô̆ Um kơchuâ, Tíu xiâm khôi túa lĕm tro kong pơlê Dak Lak hdrối nah. Kố cho tơdroăng ki kal khôi túa lĕm tro ngê̆ thuât ki kal, kum hên tung tơdroăng pơtâng tối, tơbleăng um méa pơlê xiâm ƀă kuăn pơlê Dak Lak ‘’rơkê – achê – hâk vâ nhŏng o tơmối’’ troh ƀă tơmối tung tơnêi têa ƀă kong têa ê.