VOV4.Xơ Đăng - Hâi lơ 19/5, a Đồng Tháp hiăng po leh mơdĭng reăng Sen Đồng Tháp roh má 1, hơnăm 2022, po leh mê châ tơkŭm pơ’lăng a rôh tơbâ 132 hơnăm hâi kot mâ dêi Hồ Chí Minh, Kăn xiâm hnê ngăn tơnêi têa lơ 19/5.

Mơdĭng reăng Sen Đồng Tháp vâ pơtối rak vế kơnía ‘na cheăng kâ ing reăng Sen

Ƀă pơxá “Reăng sen hâi ki nếo” , Leh mơdĭng reăng Sen Đồng Tháp djâ tơdroăng púi  vâ mơnhông mơdêk hơngế dêi Đảng bộ, mâu kăn ƀă kuăn pơlê Đồng Tháp, chêh tơdroăng mơjiâng ƀă tơbleăng inâi Tơnêi Sen Hồng. Leh mơdĭng reăng Sen po drêng tơdroăng tê mơdró, ôm hyô chôa pơtối po nếo klêi kơ’nâi pơtê xua tơdjâk COVID-19.

Pôa Phạm Thiện Nghiã, Kăn hnê ngăn Vi ƀan kong pơlê Đồng Tháp ăm ‘nâi, leh mơdĭng reăng Sen drêng kố ôh tá xê to po ai tiô púi vâ ngăn, tơdroăng trâm mâ, hriăn ki nếo ‘na mơhno tuá lê̆m tro, mê ối cho rôh vâ tơdjêp, trâm mâ dêi mâu ngế ki pêi cheăng ‘na pêt reăng sen, dêi mâu ngế púi vâ reăng Sen châ tơbleăng ăm mâu vâi pú hmâ tung lâp plâi tơnêi.

Gương tơplôu ƀă tơbleăng