VOV4. Xơ Đăng - Kơxê lơ 20/4, a pơlê kong kơdrâm Plei Ku, Hâi mơhno khôi túa lĕm tro mâu hdroâng kuăn ngo kong pơlê Gia Lai roh má môi hơnăm 2022 hiăng mơgêi. Klêi kơ’nâi 2 hâi veăng mâu tơdroăng, vâ chê 800 ngế ngê̆ nhân troh ing 16 tơring, pơlê krâm, pơlê kong kơdrâm hiăng djâ troh ăm kơphô̆ ngo Plei Ku tơdroăng ki phiu ro, pêng păm khôi túa lĕm tro vâi krâ nah. Mâu khu râ kăn hiăng vêh mơhno tơdroăng xah hêi pơlê pơla ing mâu tơdroăng: Mơđah tơbleăng chêng koăng, hơdruê xuâng, mơđah tơbleăng rêi prôa, têng nêng hdroâng kuăn ngo, pong rơgi pro um, teăn tơmeăm, vế prế ƀă hía hé.

Diâp ƀâng kheăn kơdeăn, hlá cơ tơbâ ăm mâu khu ngê̆ nhân a roh leh mơgêi

Tâi tâng mâu kế xah, tơmeăm pro mơhno dêi mâu khu troh mơđah tơbleăng môi tiah; kuât, hngêi tơnâp ƀă hía hé pơrá pro ing tơmeăm ing kong, môi tiah:  loăng, hlá xá, kơlá, pơlái. Khu tơkŭm po hiăng diâp ƀâng kheăn kơdeăn, hlá cơ tơbâ ăm mâu khu ki rơkê má môi tung hâi mơhno khôi túa lĕm tro. Khu ngê̆ nhân tơring }ư\ Pah châ kâ má môi ‘na hơdruê xuâng, khu ngê̆ nhân Plei Ku châ kâ má môi péa tơdroăng hơdruê xuâng tiô chal rơxông nếo ƀă tŏn chêng tơgôu koăng; khu ngê̆ nhân tơring Đăk Đoa châ kâ pri má môi mơđah tơbleăng kế xah tiô khôi vâi krâ nah.

A Sa Ly tơplôu ƀă tơbleăng