VOV4.Xơ Đăng - Klêi kơ’nâi 4 hâi tơkŭm po hên tơdroăng mơđah tơbleăng hơdruê xuâng, tŏng chêng tơgôu koăng, a Kơpong ôm hyô ngăn tơnêi tơníu loăng pơlái kong kế Tơnêi têa Măng Deang, pơlê kân Măng Deang, tơring Kon Plông, kong pơlê Kon Tum hiăng tơkŭm po Leh mơgêi Tơ’noăng mơđah tơbleăng hơdruê xuâng, tŏn chêng tơgôu koăng mơhno túa lĕm tro mâu hdroâng kuăn ngo kơpong Trường Sơn – Tây Nguyên po rơdâ roh má III hơnăm 2022.

A tíu mơđah tơ’noăng kơmăng

A hneăng tơ’noăng ai dâng 100 tơdroăng mơđah tơbleăng hơdruê xuâng, ton chêng tơgôu koăng, 19 khu ếo mơđah hmân ếo pơtâk, 19 kơchâi kâ tiô khôi vâi krâ nah ƀă hía hé, ing tuăn ngôa rơkê dêi mâu ngế ngê̆ nhân tá hiâm mơno châ mơđah tơbleăng, pro ƀă ing hiâm mơno tơná.

Pôa Nguyễn Công Trung, Kăn phŏ pơkuâ Kơ koan xiâm mơhno túa lĕm tro – Khu xiâm pơkuâ mơhno túa lĕm tro, Tơ’noăng ivá ƀă Ôm hyô tối ăm ‘nâi, rơtế ƀă mâu tơdroăng châ tơƀrê tơdjuôm, tơ’noăng roh kố kơnía phá tơ-ê tung tơdroăng rak vế, mơnhông mâu tơmeăm ki kơnâ khôi túa lĕm tro vâi krâ nah. Tung kơmăng mơgêi, Khu tơkŭm po hiăng diâp Ƀâng kheăn kơdeăn ƀă hlá cơ tơbâ ăm 19 khu pú hên hiăng rơkê tung Tơ’noăng ƀă châ kâ hên pri ki ê.

A Sa Ly tơplôu ƀă tơbleăng