VOV4.Xơ Đăng - Klêi kơ’nâi 2 măng tĭng tơkŭm po hơniâp ro, kong măng lơ 30/6, a pơlê kong kơdrâm Ƀuôn Ma Thuột, kong pơlê Dak Lak, Rôh po hơdruêm xuâng lâp tơnêi têa rôh má 2, hơnăm2021 hiăng mơgêi. Po sap ing hâi lơ 17/6 troh lơ 30/6, Rôh po hơdruê xuâng rôh kố ai 22 tíu veăng, ƀă vâ chê 300 ƀai hơdruê, xoâng, tơkŭm lối 1 rơpâu ngế ca sih, ngê̆ sih, diễn viên ƀă kăn ƀô̆ mâu ngế cheăng dêi mâu tíu pêi cheăng mơđah tơbleăng. Tiô mơnhên tối dêi khu tơkŭm po, rôh tơkŭm po hơdruê, xoâng rôh kố ai hên mâu ƀai hơdruêm xoâng ki rơkê ‘na tơdroăng ki xiâm ƀă ngê̆ thuât, hơniâp ro ăm kuăn pơlê.

Khu tơkŭm po diâp pri ăm mâu ngế krê ƀă khu pú hên ki ai ƀai hơdruê, xoâng rơkê

Hên tơdroăng veăng tung rơdruê xoâng hlo hên tơdroăng tơƀrê, inâi nhên, tơkŭm po tíu ki rơdruê xoâng rơkê. Pakĭng mâu ƀai hơdruê, xoâng tro ƀă khôi túa lĕm tro dêi rêm kơpong cho mâu ƀai hơdruê, xoâng ki xúa mâu nâl tơpui ki rơkê plĕng nôkố tiô túa ki rơkê tơtro, pro chiâng môi kơtâ um ki ai hên mơngiơk tung tơdroăng hơdruê, xoâng Việt Nam.

Katarina Nga tơplôu ƀă tơbleăng