VOV4.Xơ Đăng - Luâ 36 rôh tơ’noăng a pơlê kong kơdrâm Đà Lạt, kong pơlê Lâm Đồng,  rôh tơ’noăng mơgêi kâ pri Futsal HDBank dêi lâp tơnêi têa hơnăm 2022 hiăng mơgêi a kơxêi măng lơ 4/7. Rôh tơ’noăng mơ’nui dêi rôh tơ’noăng mơgêi tơbriât kâ pri Futsal HDBank dêi tơnêi têa hơnăm 2022  po pơla khu Thái Sơn Bắc ƀă Sài Gòn FC mơgêi, peăng ki ƀlêi ‘na khu Sài Gòn FC ƀă kơxô̆ châ kâ 3-0. Tiah mê, mơgêi rôh tơ’noăng prôk, Sahaco cho khu ki má môi ai 20 điêm, pơtối mê cho khu Thái Sơn Nam.

Ki tơ-brê rôh tơ’noăng châ mơdêk tâ iâ tâng vâ pơchông ƀă hên mâu rôh tơ’noăng hdrối ah

Thái Sơn Bắc rơtế ai kơxô̆ điêm 15, Sài Gòn FC 14 điêm, mơ’nui cho 2 khu Cao Bằng ƀă Tân Hiệp Hưng, ƀă kơxô̆ điêm 5. Tiô khu pơkuâ po tơ’noăng kâ pri Futsal HDBank dêi tơnêi têa hơnăm 2022, luâ mâu rôh tơ’noăng tơrá mâu khu hiăng rah ƀă lăm tơ’noăng a Đà Lạt ăm hlo, ki tơ-brê dêi khu kơtú ƀa long hiăng mơdêk tâ iâ tâng vâ pơchông ƀă rôh tơ’noăng hdrối nah. Tơdroăng mê, mơni kô pro pơxúa a mâu rôh tơ’noăng mơ’nui dêi rơnó tơ’noăng po a Cần Thơ a khế 10 la ngiâ kố ah.

Gương tơplôu ƀă tơbleăng