VOV4.Xơ Đăng - Hneăng tơ’noăng pơtâp ivá Đông Nam Á SEA Games 31 mơgêi ƀă leh mơgêi a Cung điền kinh tung hngêi tơ’noăng Mỹ Đình, Hà Nội a kong măng lơ 23/5 klêi kơ’nâi 12 hâi tơ’noăng. Ƀă inâi “Tơkŭm vâ bâ eăng – Gather to shine”, tơdroăng Leh mơgêi SEA Games 31 châ pro 3 tơdroăng. Ki xiâm dêi Leh mơgêi cho Chương 2 “Tơkŭm”, ƀă Leh koh hlá cơ, rôh prôk pơtăng dêi 11 tơnêi têa, 40 môn tơ’noăng, khu trọng tài ƀă mâu ngế ki pleăng dêi hnoăng cheăng. Rơtế amê cho mâu um ki lĕm má môi tung 12 hâi po tơ’noăng SEA Games 31 .

Tơdroăng xiâm dêi tơdroăng kố cho leh diâp hlá cơ pơla teăng mâ Khu tơrŭm tơ’noăng ivá Đông Nam Á ƀă Việt Nam ăm teăng mâ Vi ƀan Olympic  Campuchia – tơnêi têa ki tơkŭm po dêi SEA Games 32.

 Hăng hôp tơkŭm po 40 môn tơ’noăng ƀă 526 tơdroăng ki xiâm, ai tơdroăng ki veăng ai mâ dêi 11 khu tơ’noăng Đông Nam Á, ƀă tâi tâng dâng 10 rơpâu ngế tơ’noăng, hnê hriâm, kăn ƀô̆, trọng tài.

Mơgêi SEA Games 31

Klêi kơ’nâi mê, tiô tơdroăng chêh pơtăng Mê dái dêi Khu tơkŭm po Rôh mơdĭng, Việt Nam ối apoăng ƀă 205 Mê dái Mêa, pơtối mê cho Khu tơ’noăng Siam ƀă 92 Mê dái mêa, ối má pái cho Indonesia ƀă 69 Mê dái mêa.

Katarina Nga tơplôu ƀă tơbleăng