VOV4.Xơ Đăng - Mơdĭng tơbleăng pế pơchên kế kâ ƀă ôm hyô pơlê cheăng pro tơmeăm tiô túa ton nah Hà Nội 2022 drêng troh rôh tơnoăng SEA Games 31 vâ tơbleăng mâu kế pế dêi Hà Nội, tơbleăng ăm tơmối tung tơnêi têa ƀă kong têa ê ki rơkê ‘na vêa vong dêi pơlê pêi cheăng dêi pơlê kong xiâm, cho tíu ki tơkŭm 47/52 tơdroăng cheăng hmâ pêi chal ton nah dêi pơlê kong xiâm. Mơdĭng po tung 5 hâi, sap ing lơ 19 troh 23/5 a kơpong pakĭng troăng kân Lê Quang Đạo, pơlê krâm Nam Từ Liêm (‘Na ngiâ troăng tơ’noăng F1).

Khu tơkŭm po ăm ‘nâi, po Mơdĭng kô ai 6 kơpong tiô tơrêm tơdroăng pơxá ki pơrá phá, tung mê ai mâu pơlê pro tơmeăm tiô túa ton hiăng mơnhông tơ-brê ‘na mơdró ƀă ‘na ôm hyô ƀă mâu tơdroăng ôm hyô dêi pơlê ăm tơmối ki troh ôm hyô ngăn ƀă rôe mâu tơmeăm pro ing pơlê pro mê cho pơlê pro hơtâu, mŏng Bát Tràng, pơlê teăng chế lụa Vạn Phúc, rái teăn tơmeăm Phú Vinh, têa sơng pik Hạ Thái, Sơn Đồng...

Kố cho tơdroăng cheăng mơhnhôk ôm hyô châ tơkŭm po kân ƀă ai pơxúa khât, mơhnhôk kuăn pơlê xiâm tối krê, lăm ôm hyô troh mâu tíu ki ro, le\m mơnâ mâ ngăn a Hà Nội; tơ’mot kuăn pơlê mâu tơring cheăm kong pơlê tung lâp tơnêi têa lăm troh a pơlê xiâm Hà Nội tối tơchoâm. Pakĭng mê, tơbleăng mâu tơmeăm khoăng ki tơviah, ro dêi pơlê teăn tơmeăm, pế pơchên kế kâ Hà Nội.

Gương tơplôu [ă tơbleăng