Lâm Đồng cho kong pơlê apoăng dêi lâp tơnêi têa po rơdâ pêi pro troăng pêi ôm hyô pêt mơjiâng tơmeăm ing chiâk deăng, hlối pêi ôm hyô ƀă pêt mơjiâng tơmeăm chiâk deăng. Troh nôkố, tâi tâng kơxô̆ liăn mơ’no ăm mâu troăng pêi ôm hyô pêt tơmeăm ing chiâk deăng dêi Lâm Đồng dâng 377 rơtal liăn, tung ƀăng deăng lối 300 ha.

Pôa Phạm S, Kăn phŏ hnê ngăn Vi ƀan kong pơlê Lâm Đồng mơnhên, nôkố troăng pêi ôm hyô kố hiăng mơnhông mơdêk rơdêi, tơmeăm ki ai hlâu ƀă ki tơ’lêi, xúa châ tơƀrê mâu tơmeăm kong kế mơjiâng mâu tơmeăm pêi lo ing chiâk deăng kum ăm tơdroăng ôm hyô, tăng cheăng pêi, mơdêk pêi lo liăn ƀă tơbleăng tơmeăm pêi lo ing chiâk deăng dêi kong pơlê.

Xua mê, rơtế ƀă thâ ti tăng mâu troăng vâ tah lôi pá puât, tơvâ tơvân, Lâm Đồng xuân kal troh mơjiâng mâu pơkâ pêi ki nhên, vâ mơnhông mơdêk ôm hyô pêt mơjiâng tơmeăm ing chiâk deăng tơniăn mâu pơkâ dêi luât.