Xối tơbâ pơtáu Hùng - Leh mơdĭng Đền Hùng ƀă Măng tĭng túa lĕm tro Ôm hyô Tơnêi xiâm jâ pôa ton nah hơnăm Giáp Thìn 2024 xua kong pơlê Phú Thọ tơkŭm vâ pơ-eăng tơdroăng ton nah pâ nhoăm tơnêi têa, tơbâ tơdroăng “Pâ mâu ngế ai hnoăng” ƀă ivá rơdêi tơrŭm môi tuăn veăng tơbâ kơ mâu jâ pôa nah ki hiăng ai hnoăng; pơtối rak vế ki kơnía túa lĕm tro ƀă mơnhông ôm hyô a pơlê Tơnêi xiâm jâ pôa ton nah.

Mơdĭng hơnăm kố ai hên tơdroăng hnê tối, tơbleăng tơmeăm khoăng túa lĕm tro Việt Nam mê ai peăng ki xiâm cho peăng pro mơdĭng ƀă pro leh. Tung rôh kố, a Kơpong ôm hyô ton nah tíu tơbâ Đền Hùng po hên tơdroăng pro leh tiah hmâ ton nah: Têk nhang tơbâ mâu pơtáu Hùng ƀă lêh têk pleăng reăng a Um meăn “Pôa Hồ tơpui tơno ƀă kăn ƀô̆, mâu lêng ki djâ troăng ahdrối tơplâ”; Mơdĭng xối tơbâ pôa hdrông hdrê xiâm Long Quân; leh têk nhang Jâ Nôu hdroâng Âu Cơ ƀă leh têk nhang dêi mâu tơring, pơlê kong kơdrâm, a tíu tơbâ Đền Hùng. Pakĭng mê, ai mâu tơdroăng mơhno túa lĕm tro ton nah, mâu tơdroăng mơhno túa lĕm tro, ngê̆ thuâ̆t ƀă hía hé...