Po kơchơ mơdró Sâm Ngọc Linh rôh má 2 hơnăm 2023 xua Vi ƀan tơring Tu Mrông, kong pơlê Kon Tum tơkŭm po sap lơ 6 troh lơ 8/2 la ngiâ. Tơdrêng ƀă hên tơdroăng tê mơdró akố ối ai hên tơdroăng mơhno túa lĕm tro troh kuăn pơlê a kơpong tơnêi dêi loăng “Kơnía dêi tơnêi têa” Sâm Ngọc Linh. Po kơchơ mê ai 50 khu tơbleăng tê tơmeăm dêi mâu cheăm, khu mơdró, khu pêi cheăng tơrŭm, tôh tơrŭm cheăng tung tơring.

Mâu kơvâ cheăng châ tơbleăng a rôh po kơchơ tê Sâm Ngọc Linh, pơkeăng, tơmeăm pêi lo ing chiâk deăng dêi rêm kơpong, mâu tơmeăm ki pro ing Sâm Ngọc Linh. Pôa Võ Trung Mạnh, Kăn hnê ngăn Vi ƀan tơring Tu Mrông, kong pơlê Kon Tum ăm ‘nâi, tơdrêng ƀă tơdroăng tê mơdró tơmeăm, po kơchơ tê tơmeăm mê ối ai hên tơdroăng pêi pro ki lĕm troh troh kuăn pơlê, malối cho rơxông tung la ngiâ a kơpong tơnêi dêi loăng “Tơmeăm kơnía dêi tơnêi têa” Sâm Ngọc Linh.