VOV4.Xơ Đăng - Kơxê lơ 5/5, a Pơlê kong kân Hồ Chí Minh tơkŭm po Leh kĭ tơkêa tơrŭm cheăng ‘’Fado Go prôk rơtế V Gaming tơ’noăng tung SEA Games 31 hơnăm 2022’’. Pơtối mê, Fado Go kô tŏng kum 2 khu tơ’noăng E-Sport (Pơtâp ivá đie#n tưh) ‘na pơtâng tối tung rơ’jíu, um tơvi ƀă mâu tơmeăm diâp ăm dêi mâu khu tơ’noăng E-Sport châ kâ hên tung tơ’noăng.

Tơrŭm pơla péa pâ xuân pro tơ’lêi hlâu ăm mơngế xúa châ rôe mâu kơxop mơ-éa in dêi khu tơ’noăng E-Sport ing kơmăi dêi Fado Go. Pakĭng mê, Fado Go tơkêa kô mơ’no liăn pêi cheăng vâ thăm pro rơdêi pơlê pơla mơngế ki hâk vâ dêi khu tơ’noăng E-Sport, kum kơvâ E-Sport mơnhông mơdêk lĕm ƀă krá tơniăn.

Nôkố tơmeăm dêi pơtâp ivá đie#n tưh cho kân xua mê tơdroăng prôk rơtế ƀă mâu khu tơ’noăng xuân kum hên tung kơvâ E-Sport troh achê tâ ƀă kuăn pơlê ƀă pro xiâm kối vâ mơnhông mơdêk krá tơniăn tung la ngiâ. A ngiâ, ing tơrŭm cheăng kố peăng khu tŏng kum pói vâ kô kum Việt Nam thăm châ kâ Mê dái mêa a SEA Games a plông kơtú ƀalong tung tơnêi têa pin.

A Sa Ly tơplôu ƀă tơbleăng