VOV4.Xơ Đăng - Kơmăng lơ 19/4, Hâi mơhno khôi túa lĕm tro mâu hdroâng kuăn ngo kong pơlê Gia Lai roh má môi hơnăm 2022 hiăng châ pơxiâm po a Plông kân Đại Đoàn Kết, pơlê kong kơdrâm Plei Ku. Tơkŭm po tung péa hâi, sap lơ 19/4 troh lơ 20/4, Hâi mơhno khôi túa lĕm tro mâu hdroâng kuăn ngo kong pơlê Gia Lai roh má Môi  hơnăm 2022 veăng amê ai vâ chê 800 ngế ngê̆ nhân, kăn ƀô̆, kŏng chưk, mâu hdroâng kuăn ngo a tâi tâng 16 tơring, pơlê krâm, pơlê kong kơdrâm dêi kong pơlê.

Pơxiâm po Hâi mơhno khôi túa lĕm tro mâu hdroâng kuăn ngo kong pơlê Gia Lai

Hâi mơhno khôi túa lĕm tro cho môi tung mâu tơdroăng veăng kum rak vế, mơnhông mơdêk ki kơnâ khôi túa lĕm tro mâu hdroâng kuăn ngo Việt Nam (19/4); leh tơbâ 47 hơnăm hâi tơleăng lĕm peăng Hdroh tơnêi têa, môi tuăn tơnêi têa ƀă 90 hơnăm hâi mơjiâng kong pơlê Gia Lai. Hâi  mơhno khôi túa lĕm tro mâu hdroâng kuăn ngo kong pơlê Gia Lai xuân cho roh vâ kuăn pơlê mâu hdroâng kuăn ngo tung kong pơlê trâm mâ, tơpui tơno, hnê tối ăm dêi pó túa ki rơkê tơtro ƀă thăm  krá tơniăn hiâm mơno tơrŭm môi tuăn.

A Sa Ly tơplôu [ă tơbleăng