VOV4.Xơ Đăng - Drêng troh leh tơbâ 132 hơnăm Hâi kot mâ Pôa Hồ Chí Minh, Kăn xiâm hnê ngăn tơnêi têa ki apoăng ƀă leh tơbâ 35 hơnăm tơkŭm po hnê hriâm, Khoa hok ƀă mơhno túa lê̆m tro dêi khu lâp kong têa (UNESCO), ô eăng inâi Hồ Chí Minh,Kăn xiâm hnê ngăn tơnêi têa cho ngế “Khên tơnôu kâi pro tơleăng lê̆m hdroâng mơngế”, “Ngế ki rơkê pá kâi tối”, a plông kân pơlê Reăng Sen , cheăm Kim Liên, tơring Nam Đàn, Vi ƀan hnê ngăn kong pơlê Nghệ An tơrŭmƀă Khu xiâm ngăn mơhno túa lê̆m tro, tơ’noăng ivá ƀă ôm hyô tơkŭm po mơdĭng Pơlê reăng Sen ƀă hlối pro mơdĭng Tuồng ƀă hơdruê rơngêi pro pơro tung lâp tơnêi têa hơnăm 2022.

Pơxiâm po mơdĭng pơlê Reăng Sen 2022

Teăng mâ mâu khu xiâm, kơvâ cheăng, kơ koan xiâm tơnêi têa mâu kăn kong pơlê Nghệ An ƀă vâ chê 1.000 ngế nghệ sih, diễn viên, mâu ngế ki tơ’noăng, mâu vâi o ƀă hên kuăn pơlê veăng leh mơdĭng. A rôh pơxiâm po mơdĭng Pơlê Reăng Sen, mâu kăn, mâu kuăn pơlê tung kong pơlê ƀă mâu tơmối hiăng ngăn tơdroăng mơđah hơdruê xuâng ki ro “Pôa cho ngế ki loi khât’’ rơtế bă mâu tơdroăng hơdruê, ƀai xuâng tơkŭm hên túa, ô eăng Pôa Hồ, ô eăng Đảng ƀă tơdroăng pâ dêi pơlê pơla, tơnêi têa.

Gương tơplôu ƀă tơbleăng