VOV4.Xơ Đăng - Kơxê lơ 1/7, a plông kơtu ƀa long kong pơlê Kon Tum po Leh pơxiâm po Pri tơ’noăng Đền kinh mâu hơnăm ối nếo tơnêi têa hơnăm 2022. Pri tơ’noăng kố xua Liên đoàn Điền kinh Việt Nam tơrŭm ƀă kong pơlê Kon Tum tơkŭm po. Po tung pơla 5 hâi, sap ing hâi lơ 1 troh lơ 5/7 a plông kơtu ƀâ long kong pơlê Kon Tum, Pri tơ’noăng Điền kinh mâu hơnăm ối nếo tơnêi têa hơnăm 2022 ai 670 ngế tơ’noăng dêi 61 kong pơlê, pơlê kong kơdrâm ƀă kơvâ cheăng tung lâp tơnêi têa veăng tơ’noăng.

Mâu khu tơ'noăng veăng ai mâ a chôu phut Leh hdrối tơ'noăng tơbriât Pri

Mâu ngế tơ’noăng cho sap ing 12 troh 17 hơnăm veăng tơ’noăng a 136 tơdroăng ƀă tơ’noăng 136 khu mê dái. Ing Rôh tơ’noăng kố cho vâ châ hlo, rah xo ƀă hnê ăm mâu ngế tơ’noăng hơnăm ối nếo ‘mot tơ’nôm ăm khu tơ’noăng ăm tâi tâng rôh tơ’noăng tơnêi têa ƀă kong têa ê.

Katarina Nga tơplôu ƀă tơbleăng