VOV4.Xơ Đăng - Kơxê lơ 23/8, a Hngêi tơ’noăng ivá kong pơlê Dak Lak a pơlê kong kơdrâm Ƀuôn Ma Thuột, kong pơlê Dak Lak, teăng mâ Liên đoàn Bóng đá Việt Nam, Hlá tơbeăng Thiếu niên Tiền phong và Nhi đồng, Khu ngăn mơhno túa lĕm tro Tơ’noăng ivá ƀă Ôm hyô Dak Lak rơtế ƀă khu ki tŏng kum tơrŭm ƀă tơkŭm po “Rôh tơ’noăng kơtu ƀâ long U9 lâp tơnêi têa Cup Toyota 2022”.

Teăng mâ Khu tơkŭm po diâp hlá cơ, reăng mơhnhôk mâu đô̆i tơ’noăng

Rôh tơ’noăng kố kô po sap ing hâi lơ 23 – 31/8/2022. Rôh tơ’noăng hơnăm kố ai vâ chê 260 ngế tơ’noăng (ing 9 hơnăm ngi kố) dêi 16 khu kơtu ƀa long cho mâu kong pơlê ki ai tơdroăng ki tơ’noăng kơtu ƀa long rơdêi.

Rôh tơ’noăng ki apoăng klêi leh pơxiâm po pơla đô̆i ki tơkŭm po Dak Lak – Kâu lăk ƀô̆ Kơtu ƀa long Hải Phòng

Khu ki kơtú ƀa long rơdêi, mê cho: Phú Thọ, Sotek Bắc Ninh, Luxury Hạ Long, Quảng Ninh, HYS Hà Nội, Kâu lăk ƀô̆ kơtu ƀa long Hà Nội, Kâu lăk ƀô̆ kơtu ƀa long Hải Phòng, Việt Hùng Thanh Hóa, Sông Lam Nghệ An, VietFootball, Kon Tum, PSFC Gia Lai, Ngọc Hùng TP.HCM, Thuận An Bình Dương, Minh Phát Bắc Giang, Văn Tâm Đồng Nai ƀă ngế ki tơkŭm po cho Dak Lak veăng tơ’noăng.

Katarina Nga tơplôu ƀă tơbleăng